林敏驄:拎到民選視帝已開心

2022年12月03日03:00
郭栢妍與「Daddy」林敏驄在《東華》唱劇集歌。

【星島日報報道】

(星島日報報道)林敏驄和郭栢妍(Rosita)等人,昨日在將軍澳電視城為《歡樂滿東華2022》表演項目綵排,被視為《萬千星輝頒獎典禮2022》最佳男主角大熱門的林敏驄,被問到可會順道拉票時,貫徹其「九唔搭八」的作風,竟反問甚麼頒獎禮,更笑指高層曾志偉人間蒸發。

林敏驄和《下流上車族》劇中的大女郭栢妍(Rosita),以及文凱婷、何晉樂、鄧志堅、關曜儁一起綵排《歡樂滿東華2022》表演項目。Rosita表示將與「Daddy」林敏驄唱劇集歌,擔心會失禮對方,可惜「妹妹」羅毓儀因忙拍劇未能一齊參與表演。入圍《萬千星輝頒獎典禮2022》「最佳男主角」而被視為大熱的阿驄,被問到在電視城可會順道拉票?他說:「咩頒獎禮呀,無人通知我,坐低等嗌名?我都是睇報紙先知,我要知遊戲規則先,踢世界盃都要知有冇越位有冇得換人啦!我問細的答不到,大的又擰歪面。(問最大的曾志偉?)人間蒸發呀!」

未知會否出席頒獎禮

提到不少「視帝」候選人均視阿驄為勁敵,他笑說:「勁咩敵?我拎到民選視帝已好開心,觀眾睇到唔知邊場戲,就話直接頒個獎畀我,我都好開心啦!(通知你參加會不會到場?)隨傳隨到呀?到時先諗。」問阿驄最近會否多了人聯絡他傾工作?他表示忙出NFT及準備演唱會:「咪睇下(Rosita)唱得好不好,不過我演唱會賣飛㗎。(想在那個場地開騷?)等公布啦!」問入圍多個獎項的Rosita可會想拎獎?她表示想得「最佳劇集」,更問阿驄可會到場出席,阿驄聞言說:「你代我攞得啦!你攞飽去!」

關注我們Facebook專頁
    相關新聞
      更多瀏覽