【但求唔曬黑】陳嘉寶炎夏帶女出街行長命斜:捨命陪君子

2022年08月04日07:00

陳嘉寶(Anjaylia)三年抱三,與老公育有三名囡囡。有女萬事足的她因為囡囡鍾意企鵝,就即做「廿四孝媽媽」,湊兩個女去主題樂園。帶小朋友出街本來已不容易,她更要夏日炎炎三十幾度出門,耐力體力缺一不可,令她體會到小時候家人對她的愛:「就全因為 @babyhosanna 一句佢最鍾意企鵝,三十幾度嘅炎夏,我哋決定捨命陪君子☀️而且制定咗要瘋狂揾企鵝、海獅、海豹同魚嘅計劃(簡單嚟講,係留喺有冷氣嘅地方)。十年無去過,印象中細個睇企鵝要企到好遠。無諗過而家原來可以同佢哋咁近距離接觸🐧同埋原來佢哋係好大隻㗎!!!睇睇下童年回憶返晒嚟…特別係喺烈日下帶住兩個細路行去撘纜車嗰條長命斜嘅時候,我深切地感受到我細個嗰陣家人對我嘅愛☀️」

Anjaylia更發現了帶小朋友出街的秘技:「如果想小朋友乖乖離開任何佢哋唔想離開嘅地方,你可以化身成為道士。但道具唔係啷啷,係雪糕…🍦」她為免曬黑,戴帽兼穿著長袖衫褲全身包到冚,做足防曬措施,自嘲一身打扮就像回到懷孕時:「在這天,我遇見了懷孕時的自己 …」、「請ignore 我呢身打扮。我唔求靚,但求唔好曬黑…」

關注我們Facebook專頁
    相關新聞
      更多瀏覽