【屢失職決定解雇】姐姐推隻窗落街 孫慧雪遇「七不思議事件」

2022年06月27日07:00

孫慧雪凌晨於社交平台向網民求助,指新了一位工人姐姐,放假但到凌晨2:33am都未回到家:「你哋覺得應該點做?」

From:微博/孫慧雪Snow

From:微博/孫慧雪Snow

From:微博/孫慧雪Snow

聽取網民意見後,孫慧雪決定怒炒這位工作了兩星期的姐姐,透露對方早上6時返家,並瞓到11點才被她叫醒,姐姐聲稱「唔舒服所以唔返嚟」,雪雪終於忍不住對方大話連篇,決定解雇對方,並列出」七不思議事件」!

From:微博/孫慧雪Snow

From:微博/孫慧雪Snow

1. 本來應該到嗰日,即第一日,佢失聯,後來再出現話前僱主幫佢搞farewell party, 所以失蹤咗一日。

2. 嚟到唔做嘢,我洗衣籃滿瀉,我哋問佢係咪唔識用洗衣機啊?不如教你呀,佢話:我識呀,已經幫自己洗咗幾機衫,然後我先發現,係喎!晾起全部都係佢啲衫!

3. 佢嚟到第一日,要求每晚都要有me time做運動,都唔緊要,但係佢晚晚一早就自己收工,唔會再幫手,然後攞瑜伽蓆,換晒full set運動衫,做瑜伽!跟住又係洗自己啲做完運動嘅full set運動衫唔係我哋啲衫……

4. 面試時,佢話自己好內向,唔鍾意出街,剩係會匿喺屋企,除非有緊要事要辦先出去,下午兩三點都已經會喺屋企,結果第一日放假,佢話夜晚11點先返,我哋O晒嘴,話佢interview都唔係咁講,佢話我鍾意匿喺男朋友屋企,可能我幫慣外國人做嘢囉,同你哋style唔同

5.佢做咗幾日,表明自己就做唔晒啲嘢㗎啦,你哋請多個姐姐嘅時候,我再同佢傾,點樣合作做你哋屋企啲嘢啦。其實我屋企只得我、老公同小朋友,小朋友已經盡量自己湊,接送都係我同老公,有家教老師喺度嘅時候,佢都唔幫我哋執床,自己去咗me time

6. 最誇張嘅係:第一日入屋,佢用神力推咗我屋企隻窗落街!!!!真係非常好彩係,無傷到人!!!之後佢同我講, 隻窗係自己跌咗落街!(註:隻窗喺工人房)利申:我哋屋企係新裝修,仲要有驗窗,可能係之前啲姐姐整鬆咗,都唔可以完全怪晒佢嘅!不過係我人生入邊一件好難忘嘅事!

7. 叫佢幫我哋攞嘢,佢話佢攞唔到,叫我哋自己攞太多……不能盡錄!

孫慧雪接受傳媒訪問,表示夫妻二人都要工作,一定要請姐姐,但已有陰影:「真係好嘥錢呀,好攰呀!人生真係。」

孫慧雪Snow:好嘢!
今日影咗好多新相~
Thx @szetosifu http://t.cn/A668tk6R ​
-- 孫慧雪Snow

From:微博/孫慧雪Snow

孫慧雪Snow:如果問我影咁多輯相最鍾意邊輯,
其實呢輯都有心目中十大,
你睇我表情,
充份表現出嗰種幾咁無奈嘅無奈!🤣

#好想旅行 http://t.cn/A66QrchE ​
-- 孫慧雪Snow

From:微博/孫慧雪Snow

 

 

 

關注我們Facebook專頁
    相關新聞
      更多瀏覽