家燕姐重拾同修哥曾江青春回憶

2022年01月29日03:00
《愛.回家》的班底傍着家燕姐開工。

【星島日報報道】

  (星島日報報道)劉德華經典金曲《倒轉地球》因陶大宇翻唱而再次爆紅,近日TVB將歌曲重新填詞改編成賀年歌《今年好笑口》,邀薛家燕率一眾藝人合唱,家燕姐疫情之下希望大家開開心心,今次重返50年前常到的電影取景地拍MV,令她重拾當年回憶。

跟家燕姐一同參與賀年歌《今年好笑口》的藝人包括林淑敏、許家傑、鄭世豪、譚嘉儀、鄭俊弘、滕麗名、呂慧儀、謝東閔、伍富橋、谷婭溦、林穎彤、戴祖儀、施匡翹、蘇韻姿及陳浚霆等。家燕姐偕《愛.回家》的林淑敏、許家傑同鄭世豪,到一家懷舊酒家拍《今年好笑口》MV,亦找來麥秋成排舞,大家第一次合作得幾合拍,幾小時就拍完。家燕姐話:「大家都知呢排陶大宇嘅《倒轉地球》好hit,我哋唱呢首歌因為個節奏好輕快、開心,歌詞全部都係講恭賀新禧,疫情之下都希望大家開開心心。」

今次家燕姐重返舊地拍MV,她談到重拾多年前的回憶:「50年前我已經喺呢度拍電影,我見到佢哋啲牆貼住我當時拍電影啲相,嗰時得十幾歲,我同曾江、胡楓喺呢度拍咗唔少青春電影、歌舞片,拍完都係留喺到食乳鴿。」

林淑敏一直希望同家燕姐同台唱歌,今次願望成真,表示:「希望疫情快啲過去,大家可以一齊再熱熱鬧鬧、開開心心。」許家傑就願望:「最緊要係身體健康!希望可以同家燕姐一齊跳十字步,哈哈!」家燕姐就話:「希望我哋演藝界多啲騷,哈哈!雖然大家去唔到街,可以喺屋企睇電視,睇到我哋嘅MV。」

關注我們Facebook專頁
    相關新聞
      更多瀏覽