【自認妄想症】鄭欣宜與C AllStar開騷感壓力:大到好需要去廁所

2021年12月14日07:00

鄭欣宜將與組合C AllStar舉行演唱會,五人這天為開騷綵排,鄭欣宜指C AllStar已經合作多年,自己新加入,擔心表示「超驚」!她又預告到時雙方會交換歌來唱,令她壓力大到要去廁所:「企喺原唱者隔離唱係好大壓力,大到好需要去廁所㗎,頭先一開始採排冇耐我就突然間要去啦,哈哈!」C AllStar聞言笑著回應:「大家咁話啦!」

早前電台為鄭欣宜送上郵輪LED應援,她坦言心情複雜,覺得自己未配,同時亦非常感激對方。對於獎項,她笑言:「我不嬲都有好大嘅妄想症,就算冇入圍嗰年都當有份,因為無論有冇份我都一樣要擺力度去做音樂,所以每年都會同自己講『嗯!今年係㗎啦!』」

微博香港娛樂:【【#叱吒頒獎禮#】送遊輪LED@Joyce鄭欣宜 唔識反應:咁破費嘅?】「2021年度叱吒流行流行榜頒獎典禮」將於明年1月1日舉行,今年主題是「啦啦啦啦即刻青春」,而眾 DJ會與歌手完成「即刻任務」,令歌手們都可以「即刻青春」!
梁文禮日前就與有份打入「#我最喜愛的女歌手」5強的鄭欣宜進行任務,上船大玩「OOTD」(Outfit of the Day), 拍攝穿搭照片。商台於遊輪船身用LED燈砌出「PRINCEJOYCE OH MY GODDESS」,戴住眼罩的欣宜被帶到甲板,除低眼罩後Joyce尖叫:「咁破費嘅?好癲啊!真㗎?」梁文禮大笑說:「唔會再變AnsonLo、MIRROR,今晚呢個係你㗎!」
欣宜說發生於自己身上不太合理:「Anson Lo有個咁樣嘅燈你覺得好合理係咪。我咁樣喎,唔明囉,一個人得到咁樣的愛同支持,其實係唔正常,但又唔係壞事,唔識反應,對我嚟講好奇怪。」梁文禮笑說預了欣宜會喊,她就死忍反撃:「我無喊喎,我冇事喎,hold到。」
-- 微博香港娛樂

From:微博/微博香港娛樂

 

關注我們Facebook專頁
    相關新聞
      更多瀏覽