立會選舉現火花 郭偉强潘焯鴻北角街站掀罵戰

2021年11月25日18:12

潘焯鴻在北角街站火拼潘焯鴻。

【橙訊】立法會選舉下月19日舉行,港島東是地方直選焦點之一。中科監察潘焯鴻今日(25日)於社交網上載片段,顯示其與工聯會立法會議員郭偉强爭執,互相指罵對方為「狗」。

北角是郭偉强從政大本營,他當時在街站為港島東另一候選人吳秋北助選。而郭偉強在新一屆立法會選舉,則改循功能組別勞工界出選。

潘焯鴻在其個人社交網站表示,今早再到北角街站,一早與工聯會郭偉强相遇,「期間郭偉强開咪鬧我『衰狗走過嚟』、『唔喺度住』,我繼而走過去同佢理論。」

潘焯鴻更上載影片,可見當時他與郭偉强爭執,隱約可聽見潘焯鴻對郭偉强一些言論非常不滿,怒斥:「喺條街度叫人『狗』,你冇嘢呀嘛?」郭偉强則反擊「大家都係咁講,你憑咩話人啫?」、「我知道你最賤」。

潘焯鴻稱對方挑釁 郭偉强稍後回應

潘焯鴻回覆傳媒查詢指,現場為北角港鐵站B3出口附近,今早約七時許,與郭偉强在街站短兵相接,郭偉强「話我唔係喺呢區住、黑暴、又話我係狗」;其中一個女義工更滋擾他。「我同街坊講早晨佢就話我喺度狗吠,仲自己扮狗吠,於是我笑佢做個立法會議員搞到要喺街扮狗。結果就衝突起嚟。」

潘焯鴻強調,事件是對方先行挑釁;而郭偉强則回覆傳媒查詢時指,稍後會回應事件。

郭偉强去年五月立法會內會風波衝突中,拉跌時任民主派議員陳志全並拖行,陳及後私人檢控郭普通襲擊罪,其後律政司介入案件並要求不提證供起訴,以簽保守行為換取撤控。

潘焯鴻參選港島東直選,同區對手包括吳秋北、梁熙、廖添誠;郭偉强則參選勞工界,對手包括梁子穎、周小松、李廣宇。

點擊查看立法會換屆選舉接獲的提名

圖:潘焯鴻@FB

更多推薦文章

立會選舉 | 政綱聚焦土地房屋問題 江玉歡倡制定解決劏房時間表

立會選舉|涉破壞張欣宇粉嶺街站 五旬漢被捕

關注我們Facebook專頁
    相關新聞
      更多瀏覽