【大叔的浪漫】林雪激罕上演愛情戲碼 不分年紀仍有一顆求愛的心

2021年07月29日13:11

港片《殺出個黃昏》主角之一林雪,於片場到宣傳一直表現輕鬆,激罕上演愛情戲碼的他亦沾沾自喜:「我都係嚟跟四哥同Bobo姐學嘢,不過今次好難得我有條感情線,希望俾觀眾睇吓咩叫大叔的浪漫。」雪哥今次演出帶來一致好評,與顏子菲的一條感情線更令觀眾笑聲四起,印象深刻,而今日電影公司發佈的製作特輯中,雪哥更大歎遇上人生中最大敵人:「人生最大嘅敵人,就係孤獨。一孤獨就會做錯好X多野!」他更借機觀眾要從容面對:「千祈唔好孤獨,做人如果可以面對孤獨,然後戰勝孤獨嘅話,呢個X樣一定係天主嚟嘅。冇人做得到㗎!」

一向搞鬼的雪哥更大爆今次於《殺》片中角色仿如度身訂造:「我平時生活嘅角色同戲中嘅角色一樣,但係仲慘過佢,個角色至少有架車揸下。現實生活我連車牌都冇。」他更首度分享愛情觀,原來他仍有一夥求愛的心:「我覺得呢個世界上,愛係最偉大嘅,無論係咩愛,只要你愛,就會令你得到心靈上嘅滿足。我因為愛,唔見過好多野。你得到心靈上嘅安慰嘅話,物質上就由佢啦,好多野都買唔返,唔好臨老先後悔,做人一定要殺出個黃昏!」

關注我們Facebook專頁
    相關新聞
      更多瀏覽