【真愛配方】視帝陳展鵬新歌推出廣播劇:想藉住這首歌喚醒大家的回憶

2021年07月15日11:35

視帝陳展鵬年初簽約唱片歌曲隨即推出《零歲》送比囡囡,反應不錯,近日接住推出不一樣情歌《真愛配方》,歌曲講述男主角被背叛,內容同佢現實生活完全相反。

而今次新歌更聯同兩位創作人,前港台DJ 馮迪燊和獨立歌手馮凱淇,推出了廣播劇,問到點解會有呢一個想法? 展鵬表示 :「以前盛行廣播劇,係陪伴好多人成長,而發覺最近好似興返podcast , 好想藉住呢首歌喚醒大家既回憶。除左係對廣播劇既回憶,我諗歌曲都會令好多人有共鳴。」

問及今次點解唔自己聲演,反而用其他人,佢就咁答:首先我覺得而家好多人把聲其實都好好聽又有感覺,所以都想搵返一啲錄開廣播劇既演員,而今次都搵左同公司既一班年青歌手錄,係因為我一睇完個劇本就覺得好正,時下年青人應該好有共鳴。

今次廣播劇展鵬更搵唱片公司既Carman關嘉敏、Gordon葉泓聲及Lincoln許俊豪去聲演,問到Carman有咩趣事,佢就話 :「我係同Lincoln一齊錄音,當講到佢果段有好多女仔朋友,我忍唔住第一反應係做咩拎真野出唻講…哈哈。好開心可以幫展鵬新歌去做今次廣播劇,我自己都好鍾意聽廣播劇,細細個成日會同家姐一齊玩,終於真實參與其中都係完成左我其中一個夢想。」 而Gordon 同Lincoln 參與完呢個廣播劇後,最近亦忙於拍攝電視節目和演唱會排練,亦抽時間操肌,希望以最佳狀態喺演唱會表演比大家睇。

關注我們Facebook專頁
    相關新聞
      更多瀏覽