【先結婚後生仔】馬國明指女友湯洛雯最近好忙 有意外先再公佈

2021年07月14日17:30

馬國明、商天娥、吳岱融等為劇集《寶寶大過天》宣傳,馬明在體驗生仔的痛時表現輕鬆,他說不覺得好痛,只感覺有電流「嗱」住,笑言不知生仔有幾痛,但將來如果男士可以生小朋友不介意嘗試;又指母愛好偉大!

談到洪永城雙喜臨門,馬國明就表示自己希望先結婚後生仔:「應該唔會有咗先結,正常嚟講,有意外再公布,佢(湯洛雯)都好忙,拍緊《雙生陌生人》,未拍完就要過組,再有另一部mark咗,佢忙過我,拍到12月。」

 

香港TVB資訊台:同馬國明冇共識?湯洛雯:唔一定要結婚!

「靚湯」湯洛雯在無綫古裝劇《一笑渡凡間》飾演女捕快「蘇柔」,角色比較男人婆,笑言與自己都有一半似,又自爆一埋位時即變得很man:「我有次鏡頭后坐到成個男人咁,連監製都忍唔住話我真系好麻甩。」

她亦謂今次是打得最多的一套,坦言有受傷:「我拗過幾次柴,但因為我系慣性拗柴,所以屈一屈就彈番起身,監製仲驚,佢好驚演員受傷,book咗替身,因為有啲動作演員未必handle到,可能翻騰兩周半落地,我真系做唔到。(有機會想試嚇?)我唔得㗎啦,我出名論盡。」

講到今次再與蕭正楠合作,她表示與對方首次合作都是古裝劇,今次再合作熟了很多,又難忘劇中二人輪流又孭又抱,笑言:「有場戲要孭住阿蕭,佢仲話自己辛苦過我,但我系孭住一舊重過我嘅嘢,仲要面不改容,唔可以露出半點辛苦感覺,但見到我汗流浹背。」之後有幕她終於可以「報仇」:「佢有幕公主抱抱番我,我仲唔報仇呀?食咗幾碗飯先拍呀,哈哈!我叫佢練定肌肉先,但佢第一嚇抱都沉咗落去,我幾驚,我已經有幫佢,只手捉緊佢條頸就可以卸啲力,但唔知點解佢咁弱啰!」

去年6月拍此劇時正值靚湯與馬國明公開認愛,短短1年內,已多次傳出婚訊,對此她無奈表示:「明白大家關心,但我哋想做對自然嘅情侶,多謝大家咁鍾意,但有時都驚大家聽到厭,因為同一樣嘢傳幾次,都系答同一樣嘢。」她坦言有與對方傾過結婚:「有普通情侶嘅共識,但冇exactly傾,因為真系未有咁嘅打算,想專註工作先,我嚟緊都有工作,所以8月結婚傳聞系冇可能。」

講到身邊姊妹如朱千雪、岑杏賢、張嘉兒等都已結婚甚至生仔,但她就謂不會因此而心急:「每個人嘅路都唔同,最緊要適合、自己開心,覺得時間啱就做,我唔系嗰種plan定曬嘅人,覺得好大壓力,我好隨性。(會唔會突然閃婚?)可能㗎,但亦有可能唔結㗎,我唔系好傳統嘅女仔,唔系一定要結婚,我細個都憧憬生小朋友,但依家覺得成日plan想做嘅嘢都唔會發生,所以順其自然。」

她亦坦言父母完全沒有催婚:「佢哋唔傳統,冇特別一定要做公公婆婆。(可能男友心急啲想結婚生仔?)冇喎,佢好chill㗎,比我更勝一籌,佢chill到連嘢都可以唔食,我chill就系食咩都得啫,但我要食嘢啰,哈哈。」 -- 香港TVB資訊台

From:微博/香港TVB資訊台

From:微博/香港TVB資訊台

From:微博/香港TVB資訊台

From:微博/香港TVB資訊台

關注我們Facebook專頁
    相關新聞
      更多瀏覽