【專業貓奴】李幸倪甘願為貓咪「出血」 「萬歲」凍飲防中暑
2021年06月23日12:25

Gin Lee李幸倪與貓咪結緣開工,再度為時裝品牌拍攝廣告,身為一位專業貓奴的Gin Lee,藉着今次以「貓の禮物 #LoveTheEarth」的主題,又再次遠赴郊外拍攝和貓咪攜手合作拍攝今次廣告。Gin Lee更在廣告拍攝前,做足準備功夫,除了親力親為揀衫出鏡外,更與團隊落力為整個拍攝進行討論,務求令到拍攝效果更加理想。

雖然天氣炎熱,但Gin Lee與貓咪依然攜手遠赴外景拍攝,認真專業。Gin Lee更笑言:「早前因為疫情及天氣過於炎熱,好多工作都變咗拍攝廠景。但係今次想延續上輯廣告嘅信息,跟住貓咪嘅足跡,發現愛護大自然嘅重要性,我覺得好有意義而且非常有故事性,所以我係絕對唔會介意需要拍外景!大會都好貼心準備多幾件同款嘅衫,預備比我替換。非常多謝成個團隊既幫助,今次拍攝先可以咁順利。」

有動物緣的李幸倪與小貓甚為合拍,休息期間小貓更躺在她身上睡著,令Gin Lee動彈不得:「可能小貓見我化妝坐喺度唔郁,咁咪跳上嚟休息吓囉,呢個係培養感情嘅方法,梗係唔可以趕走佢啦!但係我地戶外拍攝,期間好多蚊出嚟『搵食』,我怕太大動作會嚇親貓貓,所比蚊咬到又紅又腫,只要貓咪舒服其實都係十分值得。」

今次拍攝整個過程都十分溫馨,Gin Lee知道天氣炎熱,更為團隊準備清涼飲品、防止中暑。喺團隊做足防蚊及防曬措施下,拍攝過程更加順利完成。Gin Lee更談及:「呢排都忙住錄節目,尋晚都係半夜先收工,不過今次廣告的信息太有意義,宣傳故事講我跟隨貓咪嘅腳印走進森林,發現貓咪留給我嘅禮物,透過觸覺、嗅覺及聽覺接觸,發現大自然嘅可愛,帶出愛護地球嘅重要訊息。加上可以再次同貓貓合作,未正式拍攝已經非常興奮。雖然之前工作受疫情影響,但呢排已經開始回復正常,開始習慣番開工嘅節奏,下半年會專注音樂嘅工作,落力為fans帶來更好嘅作品。請大家敬請期待!」

關注我們Facebook專頁
    相關新聞
      更多瀏覽