謝賢父親節親到戲院答謝影迷 與新演員零代溝:「我仲後生過佢哋!」
2021年06月21日13:22

謝賢為新片《殺出個黃昏》親到戲院謝票!過去兩週,港九各區五場優先場及早前香港國際電影節兩場均全院滿座,監製林家棟表示,首波優先場收到觀眾正面評價,令台前幕後振奮不已,證明一個好的故事,自然能夠打動觀眾。 而男主角四哥有見反應熱烈,昨日更「處男下海」,於父親節正日攜同監製家棟、導演高子彬到鑽石山百老匯荷里活戲院謝票,現場更有影迷大舉手幅迎接偶像,全場觀眾超級興奮,更掌聲不絕,歡呼聲此起彼落!有觀眾要求四哥即場獻唱電影片尾曲《倦》,但四哥笑言:「留返下部,到時我唱主題曲,如果我唔唱你咪同我絕交囉!哈哈!」

四哥於謝票後接受電影公司訪問,對於今次處男謝票,四哥表示掌聲是屬於大家的,他興奮表示:「好多影迷由細睇到我大,睇到我今時今日,多謝佢哋嘅擁抱。」被問到這部電影跟很多新生代演員合作,有代溝嗎?四哥笑言:「我仲後生過佢哋,真係㗎!我做啲嘢佢地唔敢做㗎,有時講笑呀,講嘢失禮啲,佢哋唔敢㗎你知唔知?佢哋見到我好似一個老師咁,所以我真係好錫佢哋㗎。」他更大爆是次拍攝未有教新演員演戲:「呢啲冇得教㗎,我做咗電影咁耐,演技係發自內心,呢個係我咁多年嘅經驗。因為我一世人未做過其他嘢,淨係做電影!」

談到今次演出為「孫女」鍾雪瑩既出拳頭又出眼淚,令觀眾大受感動,問到可有信心問鼎來年金像獎?四哥謙虛回答:「我都希望,睇吓點樣動啲腦筋攞個獎返嚟!」四哥指最意想不到電影在拍竣年半後,終於在大銀幕上映,更笑說「仲以為家棟飛起咗我,算佢啦!」他更大讚導演高子彬非常細心認真,而每位演員跟他一樣都落力有火。

而導演高子彬則表示第一次見四哥,已經被四哥氣場所震懾,更笑說:「以前我走漏眼,應該早啲搵佢幫手,原來四哥啲戲好有感染力。」家棟則表示:「我相信觀眾入場睇戲都無諗過四哥會出現,其實係四哥自己提出,不如去戲院同觀眾一齊慶祝父親節!導演聽到都即刻同屋企人請假,我當然開心奉陪啦!」

關注我們Facebook專頁
    相關新聞
      更多瀏覽