阿Sa關智斌泳池濕身晒身材
2021年06月20日03:00
■阿Sa、Kenny笑言一齊走過半個地球。

【星島日報報道】(星島日報報道)蔡卓妍(阿Sa)與關智斌(Kenny)向來老友鬼鬼,兩人感情十分好,不時相約旅行。阿Sa在社交網透露今次跟Kenny落水跟陽光玩遊戲,更大晒靚相。相中見Kenny大晒胸肌,穿上碎花圖案泳裝的阿Sa則大擺甫士,十足似拍廣告一樣靚,阿Sa留言說:「好耐冇同陽光玩遊戲喇!#真係好鍾意同呢個人影相#因為佢點影都靚」

Kenny亦在社交網貼相,留言說:「昨晚數過我們一起去過旅行的城市,由最熱辣辣的曼谷、芭堤雅去到最冷的芬蘭赫爾辛基的聖誕老人村,原來我倆都走了半個地球。」有不少網民大讚兩人好襯又靚仔、靚女,就連鄭欣宜也留言說:「吓!?呢個唔係廣告嚟㗎喎!冇天理!兩個都可以靚到咁!」最搞笑導演彭秀慧留言指Kenny的胸肌中間有條公路,而Kenny回應說:「男人好緊要的一條路。」

關注我們Facebook專頁
    相關新聞
      更多瀏覽