【一索得男】囝囝BabyJayden出世 沈卓盈:一日請咗兩次「飲茶」
2021年05月20日11:51

沈卓盈(Jess)一索得男,與老公Calvin的愛情結晶品BabyJayden出世了!初為人母的她今日在社交平台報喜,分享榮升媽咪的喜悅和過程。

Jess提起Jayden BB時難掩喜悅,她說:「BB重6.2磅,為我接生的姑娘說BB的喊聲很響亮,老公陪我入產房開刀分娩,並親手為BB剪臍帶。整個過程很順利,生嘅時候真係好緊張,當聽到BB喊聲和看見他的一刻也禁不住的哭了起來,老公跟我一齊見證BB出世這寶貴的一刻,好感動!」她又表示屋企人指BB額頭和嘴仔似爸爸,眼睛和鼻就似她,她自己就覺得BB睡覺時好似爸爸,眼仔碌碌的時候就似自己。

作為新手媽咪的Jess產前沒有特別上堂學習湊B,跟其他媽咪一樣,邊湊邊學,身邊的朋友已給她溫馨提示,初生BB頭幾個月會比較難湊,不過自己已經有心理準備。「第一次幫BB換片嘅時候佢已經請咗我同老公飲茶,一日請咗兩次,真係又狼狽但又好好笑,雖然而家湊B比較辛苦,又攰又唔夠訓,但係每一個過程都好享受同開心。 而家只希望健健康康,食得又瞓得。自己也為Baby Jayden作好晒准備,經歷人生另一個新課程。」

關注我們Facebook專頁
    相關新聞
      更多瀏覽