長沙灣美食:【港式風味!抵食大碗車仔麵!6餸只需$40!秘製辣汁無得輸!必試手掌大冬菇扒!】- 日日面
2021年05月09日15:05

呢間位於長沙灣的車仔麵店抵食又大碗,配料多達28款、9款麵底和5款湯底供選擇。當中其招牌日日麵更一碗有齊6款餸都只係40蚊,包括豬腸、牛腩、豬紅、豬皮、冬菇和白蘿蔔再加上麵底真係份量十足,而且所有食材夠入味又夠腍。當中冬菇炆得入味又厚身必食。除了一般基本餸外仲有不少小食,好似尖椒皮蛋、豬手、咖喱魷魚牛柏葉等。另外必試小店的秘製辣汁,辣汁由多種材料調配包括有墨西哥辣椒和魔鬼辣椒,辣度有後勁又夠香,車仔麵加辣汁即時變得更惹味一試上癮。

▲招牌日日麵($40):共有6款餸包括豬腸、牛腩、豬紅、豬皮、冬菇和白蘿蔔。豬紅結實,不會一夾就散;冬菇大大件又腍;白蘿蔔鮮甜無渣;牛腩、豬腸、豬皮入味又夠腍。

▲自選車仔麵份量十足,當中更有叉燒、魚肉春卷可以選擇非常特別。

▲必試秘製辣汁,辣汁由多種材料調配包括有墨西哥辣椒和魔鬼辣椒,味道辣而香但不會嗆喉燒胃。

▲大部份餸都只係$7,當中最抵食係$7兩隻雞翼。

▲炆冬菇($30):大大件夠厚身又入味。

▲咖喱牛柏葉魷魚($30):牛柏葉和魷魚都爽口彈牙,加上秘製辣汁和咖喱汁非常惹味。

▲尖椒皮蛋($28):一碟份量不少又夠糖心。

▲豬手($30):豬手有肉食又大件,不會忟得過腍。

日日面

地址:長沙灣昌華街38號麗寶花園地下38號舖

營業時間:12:00-20:00

文字:香港人遊香港

The post 長沙灣美食:【港式風味!抵食大碗車仔麵!6餸只需$40!秘製辣汁無得輸!必試手掌大冬菇扒!】- 日日面 appeared first on 香港人遊香港.

關注我們Facebook專頁
    相關新聞
      更多瀏覽