【鬥舞】Jace陳凱詠╳王君馨 互讚夠Swag
2021年04月19日16:25

歌手Jace陳凱詠最近邀請到王君馨(G. Racie)與她一起swag爆鬥舞!燈光非常有vibe而且又有名貴跑車助陣,展現女生型格一面相當有氣場,整個感覺彷如置身外國一樣,Jace亦笑言:「當自己去咗洛杉磯玩一晚咁!」

Jace形容今次與合作突如其來,她興奮地說:「今次呢個合作嚟得好突如其來,有一見如故嘅感覺!我膽粗粗問完佢又肯一齊玩,好快就諗到玩咩歌同點樣排舞,非常順利!」Jace又大讚G. Racie是非常友善的前輩,為人很真誠,她說:「本身有擔心過對方係前輩,好多嘢要小心啲,但佢係一位好友善嘅前輩,好似大姐姐咁一齊玩,有一種返去中學high school女仔約埋一齊打扮,一齊跳舞咁好開心!」

而G. Racie則大讚Jace很有swag,她說:「今次拍攝好開心,好鍾意Jace嘅風格,覺得呢個新artist好正,好有swag,跳舞亦非常出色。而且佢Jace好似一個活潑嘅小朋友,雖然佢高高瘦瘦個樣又有啲性格,但佢其實係大細路,令成個拍攝過場程好開心!」她又表示今次合作無憂無慮十分自在,她說:「因為入咗行一段時間就會變到好小心好多嘢,或者會顧慮好多,但今次合作可以放開自己,純粹地就係因鍾意表演,鍾意跳舞!」

關注我們Facebook專頁
    相關新聞
      更多瀏覽