【尊重丈夫不願曝光】楊思琦談虛擬老公 否認講大話:我點可以諗到咁多嘢?
2021年03月30日07:00

楊思琦在節目《Master's Talk師父有請》接受麥玲玲和林盛斌(Bob)訪問,講到當年突然驚爆未婚懷孕,震驚娛樂圈,她坦言不覺得事情有多震撼:「生小朋友係我打算,不過之後發生嘅事,係我同對方(前男友吳帥)有問題,冇再喺埋一齊,唔係大家想像咁…件事好簡單,我唔會覺得幾震撼,當時唔敢講,面對傳媒係逃避心態,怕講多錯多。」她亦直認吳帥沒有給囡囡的生活費,她認為自己負擔得到,所以也沒有問。

楊思琦稱離婚後最初幾年沒有心情約會,完全沒打算找「第二春」,但是囡囡有說過想要弟弟和爸爸,所以現在囡囡很開心,會叫現任丈夫做爸爸:「不斷叫爸爸,佢恨咗好耐。」

講到楊思琦現任丈夫身份成謎,她澄清對方是圈外人,尊重對方不願曝光的決定:「:「我入行都廿年,由細睇到我大嘅傳媒,有咩都可以講,不過佢話唔想講我咪配合。」對於被指講大話,丈夫是「虛擬老公」,她覺得言論搞笑:「話我一人分飾幾角,編出嚟吖嘛,咩大話冚大話,我覺得好搞笑,如果真係大話,我會好辛苦囉,我點可以諗到咁多嘢?」她表示不會怪責老公:「每個人想法都唔同,大家係要適應同要企喺佢角度諗,總之依家生活好開心。」

楊思琦szeki:哈哈, 開心開工去!😄[心]

#楊思琦[超話]##szekikk ##楊思琦 ##楊思琦szeki # ​
-- 楊思琦szeki

From:微博/楊思琦szeki

 

關注我們Facebook專頁
    相關新聞
      更多瀏覽