【專訪】唔結就分!?衛詩雅對婚姻有恐懼 陳家樂被朋友感染想成家
2021年03月10日11:33

如看不到 請到Youku

由陳茂賢執導,陳家樂、衛詩雅主演的電影《不日成婚》將於復活節黃金檔期上映,探討現今大家面對婚姻的態度,兩位主角現實中對婚姻的看法亦大有不同!

電影公映前先傳來兩個喜訊,電影獲2021年「金馬奇幻影展」列為「喜劇萬花筒」單元項目,成為本屆唯一一齣入圍的香港電影,之後再被本屆「芝加哥亞洲躍動影展」選為閉幕電影,評審還讚賞該片為婚姻題材添上耳目一新的處理,並相信這部有趣的作品,必定會令觀眾看得盡興。

電影探討好多人面對婚姻的態度或抉擇,陳家樂認為現代男女對於適婚年齡的理念不同:「女仔可能覺得30歲左右會是結婚的關口,但男仔30歲就可能覺得是事業工作階段,就變咗適婚年紀上會有差異。而且男仔多數對婚姻較恐懼,女仔就希望快啲結婚。」

問到陳家樂和衛詩雅自己對婚姻有沒有憧憬?家樂直言小時候沒有多想結婚,但受身邊人感染,去到28,29歲的時候好想快點結婚:「因為身邊啲同學朋友個個都結晒婚,生晒仔。令我覺得人生有個家庭係幾開心。」至於詩雅就表示小時候希望30歲前結婚,但當過了30歲反而做了男仔個角色:「我會好恐懼結婚,因為覺得係一個責任,你要諗對方同你一生一世。同埋有一個家庭,對依家嘅我來講係一個負擔。」

電影入面二人感情有不少波折,談到「唔結就分」的說法,衛詩雅直言不認同:「覺得唔應該行嗰一步,咪繼續一齊。兩個一齊認定對方,我覺得都可以,唔代表一定要分開。」陳家樂就質疑「一紙證書」是否真的好重要。

陳家樂和衛詩雅過去曾多次合作,因此默契已經好好,陳家樂亦笑言二人拍感情戲或比較親密的戲份時較自然舒服:「唔使擔心唔好意思。」衛詩雅就難忘拍跳鋼管舞的一幕,因為事前家樂從未見過其造型:「特登想拍佢最真嘅一面。嗰一刻反而唔係尷尬,而係我好想知佢個反應,有少少想挑戰佢咁,個感覺幾得意。」

問到疫情下拍電影,會否特別大壓力,衛詩雅坦言好有壓力:「首先要確保所有工作人員同演員都安全,每一日都會睇住啲(確診)數字,有冇多咗人感染呢。好擔心每個人嘅健康。」衛詩雅又大爆陳家樂拍攝中段有不舒服:「好擔心會唔會有事。」

關注我們Facebook專頁
    相關新聞
      更多瀏覽