家燕姐牛年大旺向女兒催婚
2021年02月27日03:00
■家燕姐最想兩個女兒早日嫁人。

【星島日報報道】(星島日報報道)薛家燕為德國廚具品牌擔任代言人,昨日舉行簽約儀式,家燕姐承認獲指牛年大旺,她稱由鼠年年尾開始大旺,新抱懷孕榮升嬷嬷,正想預備為新抱進補時又成為代言人,配合得天衣無縫。她笑說:「仲要廚具又唔使錢,品牌有百年歷史,質量好好,個高速煲啱晒煲湯俾新抱飲。」她透露自己當年懷孕時足足重了40磅,早前透過新抱才知道現時進補要循序漸進,要懂得揀飲擇食。

談到牛年大旺,家燕姐即指多個相士批她今年紅鸞星動,好事連連。她笑說:「我一向都好多人追㗎!不過紅鸞星動都可以指有觀眾緣嘅。」問到可希望兒女們開枝散葉?家燕姐笑笑說:「咁梗係啦!兩個女快啲拍拖!今年我會接少啲野做,因為要湊孫嘛!咁珊珊又無咁忙, 多啲時間去拍拖,大家做番自己野。」

關注我們Facebook專頁
    相關新聞
      更多瀏覽