尋秦記|江華請古天樂食檸檬 網民集氣失敗
2021年02月20日08:00

《尋秦記》電影版千呼萬喚始出來,由古天樂牽頭馬籌備多年,終於拍畢準備上映,日前更流出《尋秦記》預告片,網民期待以久的回憶返晒嚟,但卻議論紛紛為何主角之一的江華未有在電影中出現,大表失望。

撰文:東方新地 | 圖片:東方新地

《尋秦記》預告片流出

《尋秦記》前年開拍,身兼老闆同主角的古天樂,為保留原劇神髓,親自召集原班人馬演出,當中林峯、宣萱、郭羨妮、滕麗名及雪兒全部歸隊,只欠劇中演大奸角連晉、嫪毒的江華冇影,原來江華一早請古仔食檸檬,表示無意二十年後再拍相同角色。係堅持定執著,真係見仁見智,不過就令費盡心思想拍好電影的古天樂大感無奈﹗

尋秦記 江華 古天樂
尋秦記 江華 古天樂
《尋秦記》預告片日前在內地流出,在網上瘋傳,短短十多秒的預告片,見到當年的主要角色,卻獨欠江華﹗

《尋秦記》堪稱穿越劇經典的,不止是古天樂離開無綫最後一部劇集,更加是他演技同事業同登高峰之作,幾年前古仔已經買下電視版權計劃開拍電影版,籌備多時終於落實19年下半年開拍,並在「影視娛樂博覽2019 」上,古仔就率領《尋秦記》一眾演員林峯、宣萱、郭羨妮、雪兒、滕麗名等原班人馬回歸,十九年後再聚首演出,一班演員都表現興奮。

尋秦記 江華 古天樂
尋秦記 江華 古天樂
《尋秦記》預告片以原班人馬,再度聚首八字作號召。

《尋秦記》江華拒再做同一角色

《尋秦記》電影老闆古天樂更揚言:「要集齊人難過儲閃卡﹗」到底邊個令古仔咁感觸,咪係劇中演大奸角連晉、嫪毒的江華。據知情者透露:「江華好執著,佢唔想二十年之後仲拍番同一個角色,而且佢覺得既然當年已經咁經典,再演未必做得番嗰種神髓﹗」早前受訪江華亦表明立場唔會拍:「一部電視劇能夠成為觀眾心中嘅經典已經好勁,冇必要再重拍,更何況全部演員都已經老咗,喺商業角度睇係有追看性,但喺演員角度,究竟想表達啲咩﹗」

尋秦記 江華 古天樂
尋秦記 江華 古天樂
三大主角為拍電影版《尋秦記》再聚首。

《尋秦記》三大主角再聚首

籌備多年的神劇《尋秦記》電影版終於落實開拍,老闆古天樂透露電影版會是十九年後的獨立故事,他和宣萱、林峯繼續擔任重頭角,雖然宣萱提議大家相處咗十九年,可否不用再講古文,卻被古仔即時 KO:「唔可以﹗」

尋秦記 江華 古天樂
尋秦記 江華 古天樂
古天樂堅持用回《尋秦記》原班人馬演出電影版先夠傳神,不過,劇中要角江華就講明唔拍,請古天樂食檸檬。

古天樂堅持原班人馬

當年演出項少龍一角入型入格的古仔,對《尋秦記》有著深厚情意結,計劃開拍電影版,更是作為向他視為恩師的黃易(原著小說作者)致敬:「呢套劇可以話係穿越劇嘅始祖,而且故事布局精密,古仔對原著作者黃易好欽佩,不過17年黃易因病離世,令古仔好難過,覺得好遺憾對方唔能夠睇到電影版上映,亦令佢承諾會加緊籌拍,其實好多人都想參演《尋秦記》,但古仔就堅持用番原班人馬先夠傳神﹗所以全部台前幕後都係佢親自出面邀請。」

尋秦記 江華 古天樂
尋秦記 江華 古天樂
在「影視娛樂博覽2019」記者會上,古天樂率領電視劇《尋秦記》原班人馬林峯、宣萱、郭羨妮、滕麗名及雪兒現身,宣布開拍《尋秦記》電影版,一班演員均表示能拍電影版非常開心,相信只有江華唱反調。
尋秦記 江華 古天樂
尋秦記 江華 古天樂
《尋秦記》是古天樂離開無綫前顛峰之作,他更對原著作者黃易非常欽佩,17年黃易因病離世,古仔就在個人社交網發文悼念對方!

《尋秦記》背景是秦王統一六國

見解獨特的江華,其實可能真係諗多咗,事關古仔在記招上已透露,電影版故事獨立,絕不是重拍咁簡單:「故事發生喺十九年後,秦王都統一六國,後發生咩事冇人知道,好多創作空間,亦有唔少科幻元素,就算演員角色身份都可能有變,唯一同劇集有延續性,就係項少龍會有個19歲嘅仔,因為係講十九年後嘅故事,最大好處係大家都唔使刻意化老妝﹗」唔知聽完古仔咁講,江華會唔會改變主意,話晒原班人馬重聚合作,絕對係可一不可再﹗

尋秦記 江華 古天樂
尋秦記 江華 古天樂
江華在電視劇 《尋秦記》演的奸角連晉因暗戀烏廷芳 (宣萱) 而同穿越到戰國時代的項少龍(古天樂)交惡,角色性格由忠變奸。
尋秦記 江華 古天樂
尋秦記 江華 古天樂
江華同古天樂、宣萱劇中有不少對手戲。
尋秦記 江華 古天樂
尋秦記 江華 古天樂
古天樂演的項少龍坐時光機穿越回到戰國時代,與劇中演趙國巨鹿侯府第一劍手的江華正面交鋒,江華角色戲份極重。

江華單拖買外賣

淡出幕前的江華,早前一個人到九龍城買海南雞飯外賣。

尋秦記 江華 古天樂
尋秦記 江華 古天樂
江華早前單拖買外賣,離開幕前多年,依然有星味,途人一眼認出他。

keep住身形

雖然冇再拍劇,不過 58歲的江華身形仲 keep 得甚fit ,並冇發福更加冇肚腩!

尋秦記 江華 古天樂
尋秦記 江華 古天樂
江華拒拍電影版《尋秦記》,令網民相當失望。

急急走人

尋秦記 江華 古天樂
尋秦記 江華 古天樂
江華買完外賣匆匆上車走人。

尋秦記|江華請古天樂食檸檬 網民集氣失敗
尋秦記|江華請古天樂食檸檬 網民集氣失敗

信主後的江華,近年愛在社交平台分享個人感受,不時更新「智語分享」,曾就在微博表示,唔會為賺生活費而隨便拍戲,相當有性格。

高質大仔無意入行

近年變得隱世的江華(原名陳木華),其26歲長子陳耀淙( Bryan )亦唔似一般星二代,對娛樂圈發展全冇興趣,反而考入公立醫院做救護員,疫情期間做過前線醫護,以救人為己任,相當有大志及愛心。

尋秦記 江華 古天樂
尋秦記 江華 古天樂
江華一家四口,大仔顏值高,卻無意在幕前發展,專心做護士,相當有愛心。

延伸閱讀:

吳業坤被爆收集家燕姐唇印癖好 䁥稱「阿燕」恨與母女傳緋聞

藝人離開無綫有出路!15位轉行發展好過做明星成功例子

關注我們Facebook專頁
    相關新聞
      更多瀏覽