新店速遞:【台灣過江龍燒肉放題進駐荃灣!任食澳洲M5和牛/SRF極黑牛!】-安平燒肉
2021年01月26日17:45

台灣燒肉放題餐廳進駐荃灣!由大熱火鍋餐廳團隊「牛大人」班底主理,餐廳共有4款唔同嘅放題套餐可供選擇,包括「原住民鹽燒豬肉」、「安格斯嫩牛」、「SRF極黑牛」及「澳洲M5和牛」,小編最推薦嘅係「SRF極黑牛」及「澳洲M5和牛」,淨係肉類已經超過80多款,除咗燒肉放題之外,話明台灣過江龍餐廳!梗係唔少得一啲地道小食啦,包括台灣鯛魚下巴、炸蚵卷、私房牛腹肉和九層塔三杯雞等等!大胃王一定夠曬飽,仲有多款蔬菜、甜品和飲品!

▲SRF極黑牛霜降牛肉眼,塊牛大大塊,油脂分佈均勻,咬落滿口肉汁必曬出嚟~

▲澳洲M5和牛,平時自己買番屋企煮都要百幾蚊,宜家有得任食真係幾抵!

▲原住民鹽燒肉,秘製豬五花炙燒後滋滋乍響,肉香四溢,燒完後沾一下特調蒜醋,呢個絕對係烤肉享受。

台灣鯛魚下巴,呢個必食之選!平時出面啲餐廳都比較少有,鯛魚下巴接近魚腹位置,油脂比例豐富,故此吃來油潤飽滿,魚肉非常鮮甜。

安平燒肉

地址:荃灣眾安街55號大鴻輝(荃灣)中心17樓

文字來源:香港人遊香港

The post 新店速遞:【台灣過江龍燒肉放題進駐荃灣!任食澳洲M5和牛/SRF極黑牛!】-安平燒肉 appeared first on 香港人遊香港.

關注我們Facebook專頁
    相關新聞
      更多瀏覽