【低調簽字】岑杏賢嫁圈外男友 朱千雪感動到喊
2020年12月01日07:00

袁偉豪和岑杏賢(Jennifer)2016年分手,現在先後修成正果,前者早前迎娶張寶兒,Jennifer今年十月時公開與圈外男友Kelvin的合照,宣佈成為準人妻,又獲好姊妹舉行婚前派對開心慶祝。日前她已低調簽字註冊結婚,只舉行簡單儀式,邀請親友見證,朱千雪、湯洛雯、蔣家旻及張嘉兒都有出席。

Jennifer回覆媒體查詢時,承認已經完婚,但是未有透露詳情。朱千雪見證新娘子穿著婚紗步出時忍不住感動到哭,但她指自己並沒有擔任證婚律師。

Jennifer昨晚上載相片,與朱千雪、湯洛雯、蔣家旻、張嘉兒一同戴上同款手鏈,每人的鏈上都刻有自己的名字。Jennifer留言:「宣讀了誓詞,帶(戴)上了結婚戒指,成為妻子。同樣選擇了當天,為大家帶(戴)上印有名字手鍊,承諾了我們友誼 ❤ 這一天的一點一滴,我永遠都不會忘記」。

 

 

時上時時上:#岑杏賢# 被湯洛雯朱千雪爆結婚!32歲岑杏賢開P大曬鑽戒 今日32歲生日嘅岑杏賢(Jennifer),尋日接受訪問時,被問到係咪即將結婚時,笑謂:「暫時未係囉!順其自然啦!」點知原來真係準備結婚!好姊妹湯洛雯、朱千雪、張嘉兒及蔣家旻等喺社交網上載Jennifer生日兼婚前派對合照,留言:「希望你喜歡我們為你準備的一切,只想你幸福、快樂。」朱千雪就以英文話:「一年前,你接到我喺婚禮上拋嘅花球。一年後,我哋為你搞婚前派對。」5人齊齊坐喺床上影相,準新娘仲大曬鑽戒添! Jennifer接受東網訪問時表示:「依家嘅心情仍然好開心好驚喜好感動,因為冇諗過一班姊妹都忙著工作,都為我送上最大嘅生日祝福,佢哋好錫我,知道我搵到一個適合嘅人,大家過咗一個好感動好難忘嘅一晚!其他細節唔透露太多,想留番少少空間畀大家,希望你哋可以體諒,但真心多謝all your blessings,亦衷心多謝每一位所有嘅祝福🌈」佢又透露已經求咗婚一段時間:「但一直保密,冇同大家公開係因為未婚夫係圈外人,想尊重佢低調處理,希望大家唔好介意同明白。」而張嘉兒就大讚Jennifer未婚夫好好:「好Take care佢同埋佢身邊朋友,好戥佢開心,希望佢白頭到老永結同心!我哋一早知佢訂咗婚,所以尋日舉行咗個Suprise Party畀佢!」 Jennifer一直好好保護新歡,據知男友Kelvin從事金融業,現年34歲,兩人發展情侶關係近一年,兩人係去年出席朋友婚禮時邂逅,相識一、兩個月便拍拖。而佢嘅舊愛袁偉豪早前先向張寶兒求婚成功,不過就未有婚期,如今Jennifer快人一步,率先結婚!袁偉豪得悉Jennifer結婚時,受訪表示:「祝福佢哋幸福快樂🥰」 -- 時上時時上

From:微博/時上時時上

From:微博/時上時時上

From:微博/時上時時上

 

關注我們Facebook專頁
    相關新聞
      更多瀏覽