煲劇2020創意數碼週邊推介 手機、平板屏幕放大器簡直一流
2020年10月28日10:50

在家煲劇已經成為日常生活一部份,尤其是最近疫情關係,而嚟緊2020年尾又開始放長假可以一口氣追返晒進度。今次就同大家推薦幾款創意數碼週邊,有效運用空間之餘,又可以令你部手機、平板或者筆電放置一個好位置,無論煲劇定打機都咁方便。

撰文:Odin |圖片來源:官方網頁|編輯:Easy

煲劇2020創意數碼週邊推介

XCSource 12吋手機屏幕放大器($69)

手機屏幕永遠都係愈大愈好,今次就介紹呢款一家大細都啱用 XCSource 12吋手機屏幕放大器,採用優質纖維及亞克力有機玻璃鏡片,既堅固實用又夠晒清晰,將屏幕放大亦有效舒緩雙眼長時間聚焦而引起嘅疲勞及不適問題,加上佢唔使用電又可以折起收藏,重可以當埋手機架用夠晒方便。

放大嚟煲劇雙眼都舒服啲
放大嚟煲劇雙眼都舒服啲
放大嚟煲劇雙眼都舒服啲

購買連結

多功能床上支架($368)

利用支架中間個黑色框,可以放置多款數碼產品,例如手機、平板電腦以及筆記型電腦等,加上佢可以按照你需求嚟作出轉動,瞓喺床上煲劇就啱晒,平時亦都可以當作書架或者筆記型電腦架使用,折疊起收藏亦相當簡單,重點佢重量只有850g,安放家中甚至帶出街用都冇問題。

多用途支架最啱懶人用
多用途支架最啱懶人用
多用途支架最啱懶人用

購買連結

叭地撳機專用枕($442)

呢款望落似足按摩院見到嘅趴地式枕其實都係為咗數碼產品而設,佢設有6段角度調節,可因應你需求切換成躺墊、側用墊甚至趴地墊等,有效舒緩長時間使用數碼產品出現的肩頸痛問題,佢重標榜住可承托達總100KG(上半身約40KG),男女老小用都冇問題。

扮趴地熊又點少得佢
扮趴地熊又點少得佢
扮趴地熊又點少得佢

購買連結

坐定定墊手 Cushion ($442)

如果你唔鍾意攤喺床度或者趴喺地嘅話,呢款坐定定墊手 Cushion 就啱晒斯文嘅你,佢能夠有效減輕你手臂及手肘因長時間使用手機或平板帶來嘅疲勞及損傷等問題之餘,重可以減輕肩膀出現嘅酸痛及僵硬,佢特設支架重可以幫你空出雙手,一邊煲劇一邊咬零食就至好不過,旁邊貼心位重可以放置飲品同零食添。

墊住食嘢煲劇,拆開布質就可以拎去洗
墊住食嘢煲劇,拆開布質就可以拎去洗
墊住食嘢煲劇,拆開布質就可以拎去洗

購買連結

總結:介紹咗咁多款產品,佢哋都有一個共通點,就係收藏起嚟輕鬆簡單,既輕巧又唔阻埞。而且男女老幼都啱用,甚至大部份都可以拎出街用,隨時隨地都可以創造個小空間嚟享受一下。

同場加映

iPhone資料轉移新iPhone Android轉iOS保留100%數據 3大備份方法教學!

延伸閱讀:

盤點女星孖辮look 個個都滲少女味! 李佳芯360度零死角、岑麗香輕熟女靚媽 有仙氣又可愛!

家用脫毛機好用推薦 在家脫毛話咁易 同場另有鬚刨推介

關注我們Facebook專頁
    相關新聞
      更多瀏覽