元朗Cafe:【#真香港人小店 日系簡約咖啡店!大大粒帶子三文魚籽洋蔥炒蛋貝果!】- CoHee Studio
2020年10月03日13:40

呢間cafe位於錦上路站大概12分鐘路程左右,一條小路嘅轉角位!餐廳提供多款食材配搭,例如北海道帶子三文魚籽炒蛋洋蔥同小龍蝦沙律牛油果三文魚籽,仲可以畀你揀配搭拖鞋包或bagel!北海道帶子三文魚籽炒蛋洋蔥貝果嘅兩粒帶子又大粒又鮮甜,滑蛋炒得好滑,蛋香同埋奶味好突出,加埋三文魚籽,成件事配合得好好,食落口感豐富!另外佢嘅手沖咖啡都好出色,成間cafe都係好香嘅炒豆味!

北海道帶子三文魚籽炒蛋洋蔥配貝果 ($88): 兩粒帶子大粒又鮮甜!北海道帶子有鮮味同埋炒蛋好滑,沙律有得揀胡麻醬定係黑醋!

蘋果脆脆蛋糕 ($38):輕輕烘焗之後,蘋果爽口香甜,蛋糕軟熟,口感好豐富!

紐約芝士蛋糕 ($48):味道唔係太甜,配有藍梅,士多啤梨伴碟!

小龍蝦沙律牛油果三文魚籽包 ($88):ciabatta嘅口感外脆內軟, 唔會好硬好乾,加埋小龍蝦沙律同牛油果好夾!整體味道好清新好新鮮,而且好健康!

Single Origin Coffee made with Pour Over ($48):想嘆杯手沖咖啡,嚟呢度就啱啦!咖啡師沖法正確,而且好細心!

CoHee Studio

地址:元朗錦田市街152號地舖

電話:9449 7310

文字來源:香港人遊香港 / 圖片來源 : @trealfoodie 、 @foodiekaka

The post 元朗Cafe:【#真香港人小店 日系簡約咖啡店!大大粒帶子三文魚籽洋蔥炒蛋貝果!】- CoHee Studio appeared first on 香港人遊香港.

關注我們Facebook專頁
    相關新聞
      更多瀏覽