馬會通殺外圍救政府
2020年09月07日05:00

凡做過或認識公務員者必知,佢 處事心態為「目標為次,程序為本」。因未能完成工作非最重要,但過程中若不跟足指引而走去Think out of the box,則分分鐘可能被指「公職人員行為失當」、官商勾結……輕則被公開批評處分,重則監都有得坐。

所以,全世界公務員皆以「穩陣」為工作大前提,反正「做又三十六 ,唔做又三十六」!

既有這種心態,當財政緊絀時,必定只懂出兩招:一、加稅及加政府收費;二、cut或凍結部門支出及人手。

你望再有「 大錢」新思維?難矣。

不過,一鋪新冠肺炎,搞到特區政府庫房「絕對空虛」,各高官由特首開始到政務司司長及財政司司長,不斷公開喊窮,大做「期望管理」。好等市民有心理準備,既要勒緊褲頭,同時,更會有不少新稅種出籠!

我智豬今期唔講私人投資,只想彈條無風無浪,不用支出,但每年可有百億收入「妙計」畀政府。肯做,一定掂!

香港,有邊一類人納稅,從不會投訴,也不會「牙痛咁聲」批評政府的呢?簡單,正是馬迷!

投注賽馬及足球,個個皆知是「未見官先打八十大板」,因有近兩成抽起做博彩稅、慈善及馬會行政費用。

有冇馬迷不滿?冇!不但冇不滿,反之,希望能有更多機會「踴躍捐輸」,最好跑足全年馬!

呢個模式,真是通贏all win。馬迷、馬會、政府庫房、慈善事業……全贏而冇人輸!

既然有咁大個人人願「捐」的水塘,為乜唔用到盡?

馬會最最賺錢一瓣,並非辦賽馬,因行政支出為天文數字。最豬籠入水,乃「足智彩」!波又唔使自己搞,純粹搭免費「順風車」,已有過千億投注額,真係肥到 唔到襪!

再睇睇,原來,足球之外,籃球、網球、高爾夫、賽車……到最新的E-Sports,全球都有人做合法與非法的外圍。

咁,為乜馬會唔做?大條水魚就咁益晒外圍?若能做,庫房每年又多百億計收入。呢招通殺外圍肥政府,有冇人提出過呢?

國策透視/投資王

關注我們Facebook專頁
    相關新聞
      更多瀏覽