李佳芯「愛上」陸永 忍笑成最大挑戰
2020年08月26日03:00
關楚耀兩年沒拍劇,表現開心興奮。

【星島日報報道】無線新劇《智能愛(AI)人》由金牌製作人陳翹英監製,昨日舉行開鏡拜神儀式,一眾主演包括李佳芯(Ali)、馮盈盈、陸永、C君及關楚耀等齊齊出席。首度擔任男主角的陸永表示不拘泥於此,更自爆看天書時,角色形容為「極其俊朗」,笑言懷疑監製搵錯人。

李佳芯(Ali)終於復工,她透露原定8月開拍,但由於限聚令關係將延期到9月。她提到角色有很大挑戰性,劇中飾演機械人,理應表情跟感情欠奉,但由於角色會隨著劇情發展而產生感情,現時仍在拿揑角色中。談到劇中跟陸永有感情線,她笑說:「劇情講我乜都唔識,俾陸永執咗返屋企,間屋得兩個男人,一個係陸永,一個係蔣志光,年少無知鍾意咗陸永,我對佢感情好深㗎!」談到劇中陸永可會對她有非分之想,Ali笑說:「好似蔣老師有!少少鹹多多趣啦。」

Ali提到與陸永合作最大挑戰將會是忍笑。談到以往合作對手都是型男,陸永可會是最不俊朗的一位,Ali笑說:「唔好咁講,佢都有吸引之處,係特別嘅對手,特別搞笑!」陸永知道Ali讚他夠特別時,笑說:「唔靚仔咪唔靚仔囉!唔靚仔就讚特別,唔特別就讚好人。」提到Ali跟他合作最大挑戰是忍笑,他笑說:「芯姐嚟㗎嘛,影響唔到佢!」

此外,戲中Ali和馮盈盈會爭奪陸永芳心,陸永笑說:「佢哋爭我嘅時候,我都唔喺現場!劇中亦無激情戲,攬腰拖手都無。」談到若激情戲對手二揀一,他笑說:「由於芯姐劇中係機械人,佢係無激情嘅配套!」身旁的馮盈盈笑說:「劇中我係佢上司,以事業為重,會將拍拖擺埋一邊。」

此外,關楚耀已有兩年多沒拍劇,個多月前收到通知即將入劇,他坦言非常開心及興奮。他透露角色為奸角,更有點神經質,笑說:「屈咗喺屋企兩個幾月,終於都可以發泄吓,劇中我會鬧陸永同馮盈盈。」提到馮盈盈出名嘈,他說:「唔係呀!佢好溫柔喎!」

關注我們Facebook專頁
    相關新聞
      更多瀏覽