曼事勝意 黃婉曼
2020年04月16日12:01

喜歡「跳出香港」的黃婉曼(Icy),近年跳入飲食界,去年更斥資百萬元開餐廳,搞得有聲有色!

為迎接金鼠年的來臨,學西廚的她,特別設計兩道意頭十足的賀年菜式:「五福五臨門」燴飯和「發財就手」古早味燉湯,色香味與創意都滿分,最適合新正頭?好意頭!

▲以家庭為先的她,早前與兩個囡囡及老公馮柏基一起開心度過聖誕節。

近年涉足飲食界的黃婉曼,親手炮製兩款新春菜式,祝大家五福臨門,發財就手。

撰文☆梁雁齊 攝影☆蔡豪

場地☆Rise Kitchen 設計☆黎志堅

五福喜臨門

兩女之母黃婉曼,除忙於照顧兩個囡囡外,近年還勤加鑽研飲食,繼於日本學藝整麵包及開設烘焙學校,去年更正式進軍餐飲業,在將軍澳開西餐廳。

適逢農曆新年,諗頭多多的Icy中西合壁,炮製兩款既有意頭又有創意的新春美饌賀年,取名「五福五臨門」和「發財就手」,食材用上海鮮、菜蔬、豬手及雞,寓意鼠年人人都生生猛猛、橫財就手、大吉大利!

「『五福五臨門』係一道海鮮燴飯,呢道菜分底面兩部分,底有五種傳統過年食材,如冬菇、瑤柱等,而上面亦有五樣矜貴又好意頭?材料,例如蝦就係哈哈大笑、龍蝦寓意龍精虎猛、鮑魚就係年年有餘、青口代表笑口常開,而帶子梗係連生貴子啦!底面加埋,就係十全十美?!」

五福五臨門

材料︰冬菇粒15克、臘腸粒20克、

瑤柱絲15克、雞肉粒1湯匙、

露筍粒10克、帶子1隻、

龍蝦肉30克(兩隻龍)、罐頭鮑魚一隻、

開邊虎蝦一隻、青口一隻、白飯一碗、意大利香草醬30克及番茄醬30克。

醃料︰雞粉2茶匙、黑胡椒粉、黑胡椒碎各半茶匙、糖1茶匙、香草碎適量。

1 ▲下油熱鑊,將冬菇粒、臘腸粒、瑤柱絲、雞肉粒及露筍粒炒香,加入意大利香草醬及三分二碗白飯,炒勻至飯身有少許乾身,落雞粉、糖及香草碎調味,盛起備用。

2 ▲炒香番茄醬,拌入剩餘白飯炒一會至稠身,盛起,放在意大利香草醬飯上面。

3 ▲然後下油熱鑊,將帶子、龍蝦肉、虎蝦、青口煎至黃金色熟透,最後才落鮑魚輕煎。

4 ▲最後,將海鮮鋪在飯旁,加少許黑椒粉、黑椒碎調味,即完成。

▲製作過程不繁複,所以要在家炮製「五福五臨門」,並非高難度。

新年發大財

另一道菜則名為「發財就手」,是一道古早味中西燉湯,她說此湯材料不複雜,容易處理,只是要花時間睇火。「中國人過新年,一定要有一道靚湯滋潤?,我用上蔬菜同豬手,飲?就發過豬頭,哈哈!總之有得飲又有得食,重點係我加?金華火腿,已經夠晒鮮味,唔使落鹽。」

農曆新年長假期,很多人會選擇外出旅行,Icy表示,一年到晚難得過年放假,她會選擇留港陪伴家人過節,「農曆新年始終係一家團圓?日子,我?通常會?屋企食團年飯,年初一、二就帶小朋友去長輩家拜年。

「大時大節,大廚重任都係交番俾媽咪同奶奶,佢哋都會煮傳統中菜,但平時我都鐘意煮?食,煮西餐為主,例如煎扒、焗意粉、焗飯等等,做?媽咪後,更加注重小朋友飲食,會親自整麵包俾佢?食,無咁多防腐劑?嘛。開?餐廳之後,我更加注意到食材新鮮?重要性,仲要不時不食添。」

發財就手

材料︰

四分一棵椰菜、娃娃菜兩棵、

雜菇數隻、豬手一隻、

半隻雞、金華火腿20克、

桂皮一塊、香葉2塊、

鮑貝10克、紅蘿蔔1/4個(切件)、

清水2公升。

鮑貝醃料︰薑汁15克、紹興酒15克

1 ▲煲一煲滾水,將豬手、雞放入滾水汆水約五分鐘,盛起,備用。

2 ▲將雜菇、金華金腿及所有蔬菜切件。

3 ▲注入一大煲清水,除了鮑貝,將所有材料放入大煲內,大火煲滾後,轉小火煲燉四至五小時即可。

4 ▲最後,盛起燉湯,湯料舖面,加入已用薑汁及紹興酒輕醃的鮑貝,完成。

▲Icy稱,炮製「發財就手」重點在於湯底,必須花上四至五小時燉製。

潮州式過年

Icy為潮州人,家庭觀念甚重,她稱每逢大時大節,潮州人習俗一定要全家人聚首,一起吃團年飯;過新年要買新衫新鞋,弄個新髮型,象徵新開始。「年三十晚食團年飯後,我同老公仲會去黃大仙廟上頭炷香,除咗佗大女?年冇去之外,之後佗住細女都照去,已經去?四、五年?!

「另外,潮州人年初一去拜年都要帶四個柑,寓意大吉,四?意思係世世好,香港人會覺得唔吉利,但係潮州人好鍾意個四字。」

談到新年美食,她記得食過最好吃的賀年菜,是某年媽咪炮製的髮菜蠔豉炆冬菇,至今她仍十分懷念那陣冬菇清香,雖然並非甚麼矜貴菜式,親情味濃,卻勝一切。

黃婉曼說過年是一家團圓的日子,難得放假,一家人會留港陪家人度歲。

▲她的餐廳位於住宅區,多數做街坊生意,每逢落舖頭都會親力親為招呼客人。

▲做飲食業好不容易,學沖咖啡都是重要的一環。

▲一五年,黃婉曼曾到日本修讀法國藍帶麵包課程三個月,學成歸來即創業,開辦麵包學校。

▲先後誕下大女Kyra和細女Kaitlyn,她說將來仍想追多個,組織大家庭。

關注我們Facebook專頁
    相關新聞
      更多瀏覽