香香B仔勁萌 思琦晒全家福
2020年03月28日03:00
■香香抱着沖完涼的兒子影相。

【星島日報報道】(星島日報報道)岑麗香昨日在社交網站上載多張兒子Jacob的可愛照片,慶祝兒子一歲生日,只見Jacob開始出牙仔,加上超多頭髮,長相的確與爸爸「強強」有點相似。香香以英文寫道兒子的1歲生日是兩公婆一生難忘的回憶,雖然忘記了在當日公開照片,但笑言遲公開好過冇公開,而一班圈中好友也留言祝賀,可見小Jacob是萬千寵愛在一身!

另一邊廂,楊思琦亦上載多張B仔「豬豬」的初生寫真照片,更搞笑地代兒子留言說:「第一次影靚仔相,勁開心!哈哈,原來有幾個造型o添!你哋鍾意邊款多啲?最驚喜係原來佢哋仲安排咗一張超舒服的牀畀我瞓!等我全程可以瞓住覺嚟影相,秉承我豬豬一向『貪睡』的本色,真係好歎呀!加埋豬豬family的成員一齊陪住我影相實在太開心呢!等我可以留住美好一刻!返去要飲多幾樽奶慶祝先得!」只見思琦與女兒抱實睡得香甜的豬豬影相,但思琦的老公繼續保持低調,未有出現在她的社交網站上,認真神秘!

關注我們Facebook專頁
    相關新聞
      更多瀏覽