新盤撻訂潮只剛開始
2020年03月23日04:01

過去五年,我智豬在此三番四次忠告大家,若為投資,切勿入市買樓!

點解?因詳細分析後,肯定即買即綁,根本絕少牟利空間也。原因,當然是樓價升到與購買力脫節及交易時被逼要付N咁多辣招稅。

我的意見,大家聽唔聽,自己決定,不過,睇 ,唔信者如今慘矣。

以上兩大不利原因,再加去年政治運動及今年全球新冠肺炎兩大「黑天鵝」, 唉,真係乜都散啦。

早前提過世侄「純情P」準備買樓結婚,問阿叔我可以入市未?小弟套用遠年大受歡迎電視劇〈保鏢〉名句——咪住!

昨日,佢又來苦纏:「智豬叔,呢輪N咁多經紀全天候call我,話大量靚盤劈價,叫我快點睇樓落決定!否則蘇州過後冇艇搭呀!」

「經紀講 你都好信? ,自己多點留意市場走勢啦,個樓市有排跌呀!未來一年,會日比日、月比月多『出血盤』掟出市場!」

事實,若大家跟貼市況者,應知如今全球恐慌情緒正在升溫,乜都 檔,香港樓市豈能例外?所以,二手盤紛紛大劈價。連最堅的太古城高層單位亦要減百七萬才能脫手。

新盤方面,更「屍橫遍野」。因過去五年,發展商用盡一切方法「引誘」買家上車,提供甚麼「呼吸 Plan」、「特長次按」……結果,不少僅僅夠能力者,借埋父母「棺材本」逼上車。

唉,點會估到,2020年開始,執笠潮、炒魷潮、減薪潮全部殺到。昔日以為自己勉強可以頂到月供者,將愈來愈多投降,這個,是必然會發生的「慘況」。投資市場中,冇人可憐失敗者,各位只能「打甩門牙和血吞」,當交學費可也。

三月份開始,新盤撻訂湧現,肯定,This is Just the Beginning,因供唔起樓的打工仔,將日比日多,點搞?到最後,將紛紛舉手投降。

「P仔,買樓,未來一年大把畀你揀。假若如今睇 一個心水單位,咁啦,還價低三成,因市場買家大晒,你唔壓價壓到盡就傻 。對方唔殺,再又慢慢揀可也!」

國策透視/投資王

關注我們Facebook專頁
    相關新聞
      更多瀏覽