你也可以是謝霆鋒 要型 點都要著西裝
2020年03月09日14:35

雖然話舊聞唔好攞嚟講,但有日閒賦在家,翻開一堆買咗但未睇的電影細賞,先睇《Green Book》,重大的遲來發現,原來 Mahershala Ali 真係好有型,扮鋼琴家著任何西裝都成功駕馭。之後再睇佢有份主演的《Moonlight》,無著西裝的他,演技依然精彩,但是扮白粉拆家的他唔再需要著西裝,古惑仔與西裝友的造型,個落差原來幾大 ── 最終,我成功諗通咗,做男人,真係至少要有一套西裝,用以「看家口」都係咁話。

所以,Ermenegildo Zegna 上季找來 Mahershala Ali 做代言人,有理由相信是品牌高層也看了他主演的《Green Book》,黑人穿西裝同樣穿得有品味、夠格調,整個組合毫無違和感。沒錯,找到正確的代言人,絕對讓人有「怦然心動」的感覺 ── 男士們會不自覺認為,只要我也買了他(廣告上)的衣服,我也可以變成他這個樣子。

懶理最終是否夢境成真,即使許多實驗証實,陳冠希與老人家穿上同一款的白色 T 恤,出來的「視覺效果」可以是深水灣與深水埗之間的距離 ── 離題萬丈。然而,男士們仍然相信,我可以成為陳冠希。

同樣道理,今季Ermenegildo Zegna繼續找來 Mahershala Ali 做代言人,是合情合理之事。當然你會覺得自己乃黃色皮膚,怎可能扮到他?說得沒錯,所以品牌又繼續找來謝霆鋒,這樣你當然感到舒服一點吧,對嗎?

我怎麼可能不會是「謝霆鋒」呢?

你可能還對以下內容感興趣

治癒心靈系列 BB也時尚

細碼男生請注意 The North Face Unisex Iconic款登場

關注我們Facebook專頁
    相關新聞
      更多瀏覽