尖沙咀西餐廳:【西九文化區餐廳親民價歎到無敵海景!】- Café Bohème
2020年02月21日09:27

西九文化區藝術公園最近裝修好,開番返比市民享用啦,仲增添左幾間Cafe添!今次就介紹其中一間啦,呢間Cafe有indoor同outdoor,而坐outdoor既話就唔會比其他食客阻到睇維港景色,無論日頭黎定夜晚黎食都一樣可以睇到咁靚既景色呀!呢間係食西餐為主,有沙律、意粉、薄餅,唔好以為有180度景色既餐廳一定好貴!呢間人均消費二百蚊內,主菜都係大約每樣百幾蚊!除左食野之外,客人仲可以係度飲啤酒,飲啲有酒精飲品添!Outdoor仲會有啲沙灘椅比客人一路飲酒吹水,一路望住咁靚既景色!

▲French Fries ($58): 係幼薯條黎,會有七味粉灑係薯條度,炸到脆脆地,唔係林薯條,而份量都多,較為適合一班人Share食。

▲Pollo Pizza ($148): Pizza切成8片,係薄批黎既,配料分別有雞胸肉同蕃茜,用了兩種芝士整,分別係水牛芝士同水清芝士。

▲Seafood Linguine($148): 海鮮配料好多,分別有魷魚、蜆肉、墨魚、帶子、蝦,而意粉醬係蕃茄醬,食落去少少酸,但好開胃!

▲Pasta of the Day ($138): 是日意粉每日都唔同,今次試既係龍蝦汁蟹肉蝦意粉,龍蝦汁都多,意粉唔會食落太乾,仲有好多蟹肉同蝦食!

▲Fresh Ravioli Mushrooms ($138): 呢個意大利雲吞係用左牛肝菌、意大利棉羊芝士同奶油整成的,食落去個汁好Creamy,個人認為如果呢個汁配意粉應該會好好食!不過雲吞都唔差,食落去每舊都入味既,仲有脆煙肉同蘑菇食添!

▲餐廳環境都幾好,有唔少人會特登扲埋notebook黎呢度飲住咖啡做野嫁!

▲餐廳有幾張枱係室外範圍食,可以180度咁望住維園海景食野!

Café Bohème

地址:尖沙咀西九文化區藝術公園地下GF-06號舖

營業時間:星期二至日 11:00 23:00

電話:53227969

文字來源/圖片來源:香港人.遊香港

這篇文章 尖沙咀西餐廳:【西九文化區餐廳親民價歎到無敵海景!】- Café Bohème 最早出現於 香港人遊香港

關注我們Facebook專頁
    相關新聞
      更多瀏覽