遊阿聯酋景點:【純白莊嚴圓頂清真寺!白玉大理石/水晶/黃金/寶石建造!】- Sheikh Zayed Grand Mosque
2020年01月28日18:10

如果去阿聯酋旅遊,就一定要參觀一下呢座咁美麗宏偉既純白清真寺!呢座中東最大清真寺,為全球三大清真寺之一,使用全球籌集建築材料,耗資55億美元,係為左紀念阿聯酋第一任總統謝赫阿布扎比而建,清真寺外牆頂級使用漢白玉大理石、白色石膏,加上阿拉伯式圓頂建築,外觀感覺肅穆莊嚴。除左純白外觀之外,大廳內極華麗斯華洛世奇水晶燈及全世界最大手工波斯地毯都係必睇Item!黎到呢度,無論係玻璃窗上流光花紋,高聳入雲宣禮塔,都係打卡影相好題材。

▲呢座清真寺全名為「謝赫扎耶德本蘇爾坦阿勒納哈揚清真寺」,取名至阿聯酋第一位總統名字,寺內有仲有佢既陵墓,不過注意陵墓唔可以影相架!

▲2008年3月起該寺廟對所有遊客開放,係全阿聯酋唯一一座對外開放清真寺,清真寺有82個圓形穹頂,主穹頂高85米。

▲呢座圓圓穹頂就係宣禮塔,只見佢高聳入雲,用途係廣播穆斯林前往禱告用。

▲以中東色彩既拱門建築

▲一望無際既走廊好有莊嚴既感覺。

▲大理石上花紋係伊斯蘭藤蔓花紋,伊斯蘭藤蔓花紋意味著天堂及花園。

▲大廳11000多顆施華洛水晶組成吊燈,專門從德國定製。放眼望去裡頭全是黃金、寶石、水晶、珠寶。以及大殿內主祈禱殿大廳波斯地毯都係世界上最大手工編織地毯,都係參觀亮點。

▲玻璃窗上流光花紋

▲清真寺有著金碧輝煌奢華外衣,透出信仰最初質樸、純淨。

▲晚上清真寺裡燈火通明,金黃色光芒係一個個穹門中傾瀉出來,將一個大清真寺渲染輝煌。燈光傾瀉到廊外的水池裡,水池就成了一面鏡子。

▲清真寺外的水池象徵財富,隨即成為清真寺既天空之鏡。

▲呢座清真寺對衣著要求都較高,男士需穿有袖上衣、過膝褲子;女士必須包住頭髮,穿長袖服飾,褲或裙須長及腳踝。女士則當地有免費的袍子可以穿進去,三種顏色:藍色、暗紅色、裸色。想買套有花紋做紀念既都ok!

Sheikh Zayed Grand Mosque

地址:Sheikh Zayed Grand Mosque, Abu Dhabi, the United Arab Emirates

電話:800 555

開放時間:09:00-22:00;停止入場時間:21:30 (1月1日-12月31日週六-週四)16:30-23:00 (1月1日-12月31日週五)/未預約的遊客每天參觀時間:週日-週四10:00、11:00-17:00,週五17:00、19:00,週六10:00、11:00、14:00、17 :00、19:00

文字來源:香港人遊香港 / 圖片來源:@sheikhzayedgrandmosque

這篇文章 遊阿聯酋景點:【純白莊嚴圓頂清真寺!白玉大理石/水晶/黃金/寶石建造!】- Sheikh Zayed Grand Mosque 最早出現於 香港人遊香港

關注我們Facebook專頁
    相關新聞
      更多瀏覽