長沙灣蛋糕網店:【煙煙韌韌!好似芝士咁爆哂醬嘅糯米糍!】- 立糯
2020年01月08日09:06

呢間蛋糕網店由一個後生女開設,原本係讀設計嘅Loewe,因爲鐘意整甜品,選擇係畢業之後投身甜品界,更於一年後自己創業。店內每款蛋糕都係由Loewe自己一個設計同製作,主打蛋糕中間嘅個層糯米糍,口味獨特而且更重要嘅係外面係賣唔到架,例如最近推出嘅茉莉香片開心果塔,採用低糖配方,啱哂想食蛋糕但又怕肥嘅你!雖然無實體店,但係店主提供咗位於荔枝角嘅蛋糕自取點,方便客人隨時可以上去嚟蛋糕。

▲茉莉香片開心果塔 ($380),以開心果為基底,配上甘甜嘅茉莉香片中和番果仁嘅膩感,互相調和而又唔搶味。

▲梅酒奶酪蛋糕 ($360),以希臘乳酪慕絲為基調,鋪上一層梅酒啫喱,客人亦可用裝滿梅酒嘅小滴管幫蛋糕教番適合自己嘅酒精濃度。

▲抹茶芝士蛋糕 ($220),中間層糯米糍,煙煙韌韌,好似芝士咁爆醬,綠茶嘅回味味都為整體加咗唔少分。

▲柚子豆腐蛋糕 ($320),清新嘅柚子味配搭淡淡嘅豆腐甜,令人想一淡食落口。

▲大甲香芋蛋糕 ($370),好重嘅芋頭味,一定啱哂鐘意食芋頭嘅朋友。

立糯 Moshimochi

地址:長沙灣青山道588-592號永盛工業大廈6樓4室

電話:2949 9999

營業時間:12-1pm, 3-7pm (逢星期三休息)

文字來源:香港人遊香港/圖片來源:@daisy.veg , @moshimochihk , @iamnancylok, @eddie_lam

這篇文章 長沙灣蛋糕網店:【煙煙韌韌!好似芝士咁爆哂醬嘅糯米糍!】- 立糯 最早出現於 香港人遊香港

關注我們Facebook專頁
    相關新聞
      更多瀏覽