【新一代打女】《解決師》性感秘書楊柳青 靠偶像錢嘉樂指導學識揸槍
2019年11月08日12:49

近日在電視劇《解決師》飾演性感秘書的「新一代打女」楊柳青(Wiyona),將於新片《催眠·裁決》收起媚態,扮演職業殺手,在戲中除了有埋身肉搏武打戲份外,更有不少槍戰鏡頭,十足女中豪傑。

雖然動作戲對於Wiyona來說是耳熟能詳,但論到拍攝槍戰,她卻是首次嘗試,Wiyona表示:「成日都忍唔住眨眼,唔識點揸槍,好彩遇到今次動作導演錢嘉樂,我同佢第一次合作,喺佢身上獲益良多,佢唔單止教我點揸槍,仲教我好多拍動作戲技巧。」

Wiyona直言跟錢嘉樂合作後,即封對方為偶像,期待可以再度合作,「平時見佢演嘅角色好搞笑,但佢一去到片場就會好認真,佢仲分享咗好多做動作演員嘅經驗畀我,以前我NG會覺得尷尬,怕影響到其他演員,係佢同我講動作演員唔應該怕NG。」

Wiyona續說,今次拍攝,雖然沒有被動作戲難倒,卻被一場「食煙」考起,搞到頻頻NG,她說:「平時我係唔食煙,今次第一次要拍食煙鏡頭,可能出嚟效果唔夠型,所以頻頻NG,一個簡單食煙鏡頭,一食就食咗半包煙,唔慣煙味,邊拍邊想嘔,拍完呢場戲,聲都沙埋。」認真大犧牲。

此外,問到Wiyona除了打之外,還想演甚麼角色?她笑言不敢貪心,想繼續從武打方面讓觀眾認識她,她表示:「希望可以楊盼盼、楊紫瓊、楊麗菁後,提起武打女星,大家會叫得出楊柳青。」

關注我們Facebook專頁
    相關新聞
      更多瀏覽