嘉玲挑戰滑翔傘笨豬跳
2019年11月06日03:00
嘉玲羨慕老公偉仔的劇本永遠睇不完。

【星島日報報道】劉嘉玲昨日以影展明星大使身分,出席《第四屆澳門國際影展暨頒獎禮》記者會,她透露現時忙於為老公梁朝偉處理電影工作,老公的劇本永遠睇不完,令她好羨慕,對方正準備演出漫威電影飾演反派,明年一月開工。她說:「佢現時無遊山玩水啦!已經响度健身,我唔使陪佢,我哋鍾意玩的運動都少少不同,我就上天,佢就下海,所以好完美㗎!」

提到於社交網站上載玩滑翔傘的相片,嘉玲笑言想學滑翔傘,比較就容易,香港有好多地方玩,有計畫考牌,下個目標明年會玩笨豬跳,原本有次想玩時但大排長龍,擔心未玩經已被影到上載在社交網站。問到玩笨豬跳會選擇跳橋定跳懸崖?她笑說:「咩都好啦!唔係跳樓就得啦!」

關注我們Facebook專頁
    相關新聞
      更多瀏覽