十大台灣必去私房秘景,你又識得幾多個?
2019年10月28日00:00

其實台灣仲有好多地方你未去過!

香港人成日都當正台灣係長洲咁去,已經去到可以話喺台灣偏地開花,但你依然仲係一如既往嘅行程:放天燈、行老街?但其實仲有好多打卡靚景嘅地方,適合同你最好嘅旅伴或者屋企人一齊去。今日就等DailyView以《KEYPO大數據關鍵引擎》分析台灣網民嘅網路大數據,統計2019年07月29日至2019年10月26日共三個月區間嘅《網路口碑-私房秘境》,話你知台灣人都係點捐窿捐罅玩啦!

10 台南市美術館二館

台南市美術館二館係俾台南人稱為台南市內最好行嘅建築物!佢都算係一個新景點嚟㗎,仲要喺台南著名景點林百貨同孔廟隔離,真係方便遊客一炮過去咁多個景點~不過根據台灣網民嘅溫馨提示,大家記得要預多啲時間去行,因為台南市美術館二館入面有成17間展館,行完仲可以行埋去美術館一館打卡影相,真係分分鐘行成日都行唔晒!

地址:台南市中西區忠義路二段1號

image source:

9 台東比西里岸

連接住台東三仙台嘅北部海岸就係台東比西里岸啦!其實呢個名係由阿美族語”pisilian”誕生,指嘅就係放羊的地方(pi=放羊嘅「放」;sili=羊;an=地方),呢個地方特別在佢係由台灣著名畫家幾米出手製作咗好多藝術品,例如係羊仔同白兔公仔,好多人都同佢地影相打卡。除咗大型公仔,比西里岸嘅村入面都有十幾幅幾米嘅畫作喺度,好多幾米fans都會慕名而來,遊客望完海又可以入村落玩,正!

地址:台東縣成功鎮白蓮路

image source:

8 基隆阿根納造船廠

由1919年就喺度嘅基隆阿根納造船廠,前身係用嚟存放煤礦。不過最後因為公司經營不善就荒廢咗啦,不過荒廢都有佢荒廢嘅美!正正係因為呢個賣點,吸引咗好多台灣人都影文青照,佢地仲覺得有種頹廢嘅浪漫𠻹!除此之外,呢度仲有好多人過嚟影廣告相同婚紗相,可想而知呢個荒廢景點係有幾熱門!但由於係荒廢嘅建築物,都算叫歷久失修,大家去嘅時候記得要注意安全!

地址:基隆市中正區正濱路116巷75號

image source:

7 花蓮石梯坪

石梯坪係位於在花蓮縣豐濱鄉石梯灣嘅南側尾,係一個有好多嘢玩嘅地方!除咗可以潛水同磯釣,仲可以喺度露營𠻹!呢度嘅生態環境連台灣人都讚好~除咗海水清澈之外,仲有好多寄居蟹、海星等等可以睇!如果鐘意睇海豚嘅,嚟呢度就啱晒!因為呢度仲有得畀你坐船出海賞鯨,係台灣賞鯨嘅發源地嚟㗎!睇住啲珊瑚礁群同熱帶魚群,個人心情都開心啲呀!

地址:花蓮縣豐濱鄉石梯坪52號

image source:

6 新竹新豐紅樹林生態保護區

新豐紅樹林生態保護區係好多台灣人都會帶小朋友一齊玩嘅地方,因為大家都可以藉住呢度去教導小朋友認識生態環境同唔同動物!呢一大片紅樹林佔咗成寬8.5公頃㗎!而且呢度仲係台灣唯一建有觀賞步道嘅生態保護區~呢度都有一個大家熱門打卡影相嘅地方,就係入綠色叢林之前嘅位置啦~網民話呢度好有龍貓電影場景喎,唔知去過嘅你又覺唔覺呢?

地址:新竹縣新豐鄉池府路156號

image source:

5 陽明山黑森林

大家上陽明山睇夜景就睇得多,但係又知唔知陽明山有個黑森林呢?唔係黑森林蛋糕呀!呢度有個好出名好多人打卡嘅景點,就係叫雙心石地啦,除咗影婚紗相,無論係本地人定外國遊客嚟到都一定會影返張相先走!呢個雙心石地係由石頭堆砌而成,紅色心形放喺樹林入面非常耀目!其實黑森林佔地不大,行一個鐘大概就行完㗎啦,所以好適合啲短程遊客嚟行下!

地址:台北市北投區竹子湖路

image source:

4 新北老梅石槽

位於台灣新北嘅老梅石槽又叫做綠石槽海岸,係因為啲海藻附著咗喺啲石槽上面,遠望過去成遍線色,呢個view仲被稱為係全台少見嘅特殊景觀,台灣網民就推薦最好就3月中到5月頭過嚟觀賞,特別係喺4月嘅時候係最靚,到時成個海岸溝槽上面都會黐滿海藻,非常特別㗎!甚至有網民話呢度好似一舊「美麗可口嘅海苔壽司捲」,想像力真係超豐富呀~

地址:新北市石門區下員坑

image source:

3 桃園石門山

桃園嘅石門山又叫做小竹坑山,海拔有551公尺,從山頂望落去可以俯瞰到龍潭地區。其實桃園嘅石門山係一個步道嚟,聽落去好似好辛苦,但其實好多人都去行架!因為步道坡度並唔大,大家都行得好輕鬆,而且假日仲有好多攤販,行完步道仲可以抖下食下嘢,簡直係適合一家大細都參與得嘅健康親子樂活動呀!不過就算幾易行都好,大家都記得要注意安全,量力而為呀!

地址:桃園市龍潭區石門登山口

image source:

2 花蓮赤柯山/赤科山

呢個位於花蓮嘅赤科山,好多網民都推薦大家七月到十月嚟,因為呢個時候係金針花季,成遍山丘都係黃色嘅金針花海,超級靚呀!大家嚟到呢個赤科山,都會去睇埋赤柯三景, 包括係金針花海入面三個黑色火成岩, 千噸石龜同埋幾十年歷史嘅汪家古厝。如果冇車牌嘅遊客嚟到呢度都可以join當地嘅一日賞花專車遊,仲可以同司機傾好自己想去嘅賞花路線,非常彈性!

地址:花蓮縣玉里鎮赤科山

image source:

1 基隆和平島公園

呢個公園基本上基隆人都一定去過,佢位於基隆港港口東側,有好多海蝕地形奇觀可以睇,例如係豆腐岩、萬人堆、獅頭岩、熊頭岩等,係咪聽落去個名都好奇怪呢XD,另外呢度一年四季都會有人嚟垂釣, 因為呢度隨季節會有好多唔同嘅生物,例如青魚龍蝦等等。好多家長都會帶小朋友過嚟廣闊佢哋嘅眼界㗎~不過大家要注意,和平島公園係收入場費㗎,不過唔貴,值得一去!

地址:基隆市中正區平一路360號

image source:

分析說明:

本研究資料由《KEYPO大數據關鍵引擎》、《KEYDERS網路意見領袖搜尋引擎》。提供,分析時間範圍為2019年07月29日至2019年10月26日。

網路大數據系統觀測台灣地區上萬個網站頻道,包括新聞頻道、Facebook、Instagram及各大討論區、BLOG等,針對討論『私房秘境』相關文本進行分析,並根據網友就該議題之討論,作為本分析依據。

本文分析之結果,非參考投票、民調、網路問卷等資料,並根據網友就該議題之討論,作為本分析依據。

推薦文章︰

港台商台二十大DJ係邊個?DODO姐都係得第六名咋!

手機怎麼保養最長壽?3C達人勸你該戒掉5個「充電壞習慣」!

關注我們Facebook專頁
    相關新聞
      更多瀏覽