遊台灣美食:【得獎川味牛肉麵!加埋神仙辣椒醬更辛辣惹味!】- 神仙川味牛肉麵
2019年10月21日12:03

得獎川味牛肉麵!加埋神仙辣椒醬更辛辣惹味!

牛肉麵大家去台灣就食得多,但呢間位於南京復興既牛肉麵,仲得台北國際牛肉麵節「湯頭好店」第一名,全因佢既湯底除左傳統既清湯同紅燒味,仲有特製既辛辣川味湯底,牛肉吸晒d湯底既辛辣味,嫌唔夠過癮既仲可以添加特製既神仙辣椒醬,岩晒鐘意食辣既朋友!招牌「天官四福麵」有齊牛腩、牛肚、牛筋、牛腱,每樣都大大件兼入味,一次過滿足晒鍾意食牛既你,而且包你食得飽!麵底都夠彈牙,掛汁力唔錯!果魚係冠軍級既牛肉麵啊!

▲「天官四福麵」(NT$320)有特製既川味湯底,可以選唔同辣度,唔食辣既應該都可以接受小辣,而且唔會死辣死鹹,而係香甜既湯底,相信落足左料去熬個湯底!

▲半筋半肉牛肉麵(NT$200) 同樣足料,怕辣既可以選清燉或紅燒湯頭都得!

▲牛肉大大塊份量十足,軟淋有嚼勁,肉質都好嫩完全唔難咬,而且非常入味!

▲牛肚彈牙易入口,完成吸晒湯底既辛辣味!

▲麵條係典型既台灣麵,彈牙兼軟淋適中,掛汁能力一流,同個湯底超夾!

▲鐘意食辣既朋友,仲可以自己加佢地特製既神仙辣椒醬同麼鬼辣椒醬!

▲餐廳環境乾淨明亮,但經常都有人潮排隊,想食就要預多少少去等啦!

神仙川味牛肉麺地址:台北市中山區長春路322號 (捷運南京復興站)電話:02 2546 8258營業時間:11:30 21:00________________________________________________________________________________

文字來源:香港人遊香港 / 圖片來源:@ching.foodie、@sandy_eat

這篇文章 遊台灣美食:【得獎川味牛肉麵!加埋神仙辣椒醬更辛辣惹味!】- 神仙川味牛肉麵 最早出現於 香港人遊香港

關注我們Facebook專頁
    相關新聞
      更多瀏覽