葵廣麵線:【唔洗飛都食到蚵仔麵線!台南口味有9成似!】- 台南皇麵線
2019年10月21日11:32

唔洗飛台灣都食到蚵仔麵線 試過都話味道同台灣有九成似!

台灣西門町既阿宗蚵仔麵線,去過台灣既都一定食過,之後係其他地方食既麵線始終都差少少!但而家係葵廣竟然有小食神重現阿宗麵線既味道,試過既都話味道有九成似!HKD$25一碗蚵仔麵線絕不欺場,蚵仔都幾大隻飽滿,食落有鮮味!麵線夠幼,食落其實似碗仔翅咁,濃稠度適中,加入左香菜同菜脯就更有台灣風味,依個人口味仲可以再加入辣油、炸蒜等等就更惹味!除左蚵仔麵線,小店都有賣綜合麵線、拌麵、滷肉飯等,都好有台灣風味!咁以後想食台灣美食就唔洗飛台灣都食到啦!

▲葵廣美食眾多,但呢間賣台灣食物既小店最近就大熱,因為佢賣既蚵仔麵線口味夠傳統,試過既都話同台灣既有九成相似!

▲蚵仔麵線(hkd$25)落足料!蚵仔都大大隻,好飽滿兼有鮮味,麵線都夠幼已經份量唔少!

▲想食得更惹味,可以依個人口味加入辣油、炸蒜等等,撈埋一齊食就更正!

▲除左蚵仔外,都可以點蚵仔魷魚雙併,或者綜合麵線,有齊大腸、花枝丸、肉丸!

▲除左蚵仔麵線,仲有拌麵等等選擇,同樣好有台灣風味

台南皇麵線

地址:葵芳葵富路7號葵涌廣場3樓85A號舗

電話:62269817

———————————————

文字來源:香港人遊香港 / 圖片來源:@gabriel01105、@manvinkk、@eatwithkh、@hiheidifoodie

這篇文章 葵廣麵線:【唔洗飛都食到蚵仔麵線!台南口味有9成似!】- 台南皇麵線 最早出現於 香港人遊香港

關注我們Facebook專頁
    相關新聞
      更多瀏覽