銅鑼灣自助餐:【蟹全部都係蟹!400蚊食到酒店蟹宴自助餐!】- Corner 18
2019年10月20日00:26

蟹全部都係蟹!400蚊食到酒店蟹宴自助餐!

踏入秋季,正係螃蟹當造嘅季節。銅鑼灣嘅海景酒店Corner 18就推出咗季節限定嘅「蟹之饗宴」自助晚餐,入面有多款蟹品菜式,當中嘅主打菜式就有新加坡著名嘅胡椒蟹,鮮甜嘅蟹肉配香辣嘅胡椒味,非常惹味。另外仲有日式嘅炸軟殼蟹配柚子他他汁,外脆內軟嘅軟殼蟹配埋秘製柚子汁,別有一番風味。想食得健康啲嘅話,就有蟹肉西瓜沙律同埋牛油果青芒蟹肉沙律,清爽多汁嘅西瓜、口感軟滑嘅牛油果同埋酸酸甜甜嘅青芒果,夾埋鮮甜嘅蟹肉,食落更加開胃。

▲蟹之饗宴自助晚餐,提供多款以蟹肉製成嘅美食,蟹控實在唔可以錯過!

▲胡椒蟹,好多人去新加坡都會特登去試嘅著名美食,未食之前,香濃嘅胡椒味已經大大刺激食欲,入口嗰陣加埋鮮甜嘅蟹肉,令人欲罷不能。

▲炸軟殼蟹配柚子他他汁,他他汁入面混入咗柚子汁,食落更加開胃。

▲牛油果青芒蟹肉沙律,除咗牛油果、青芒果同蟹肉,仲有洋蔥同彩色椒,口感同味道都層次十足。

▲蟹肉西瓜沙律,鮮甜嘅蟹肉配清爽多汁嘅西瓜,為口腔帶嚟一股清新嘅刺激。

▲黃金流心阿拉斯加蟹球,阿拉斯加蟹肉沾上麵包糠炸至金黃色,入面仲包住濃郁嘅流心咸蛋黃,真係好邪惡呀!

如心銅鑼灣海景酒店Corner 18

地址:天后英皇道18號如心銅鑼灣海景酒店1樓

電話:3553 2667

營業時間:星期一至日 7:00am 9:30pm

「蟹之饗宴」

供應日期:2019年10月1日至11月30日

供應時段:6:30pm 9:30pm

價目(另收加一服務費):星期一至五:成人$398、小童及長者$328;星期六、日及公眾假期:成人$418、小童及長者$348

注意事項:小童為3-11歲,長者為65歲或以上。

文字來源:香港人遊香港/ 圖片來源:@lhotelcausewaybayharbourview

這篇文章 銅鑼灣自助餐:【蟹全部都係蟹!400蚊食到酒店蟹宴自助餐!】- Corner 18 最早出現於 香港人遊香港

關注我們Facebook專頁
    相關新聞
      更多瀏覽