觀塘cafe:【觀塘良心Cafe必食傳統西班牙蛋餅+自家製窩夫!】- One Little Room
2019年09月25日17:23

觀塘良心Cafe必食傳統西班牙蛋餅+自家製窩夫!

今次介紹既呢間良心小店Cafe,係觀塘區有兩間分店。呢間cafe除左有咖啡飲之外,仲會有酒賣! 餐廳裝修環境唔錯,牆身痂左好多頁金庸小說貼係牆到,而個天花板有d書掛左係到,有種好文清feel既小店! 而提供既食物款式唔算好多,主要賣蛋餅、窩夫、漢堡包同bagel。另外仲會有一d自家製既甜品同鬆餅等,鬆餅係呢間cafe度好出名,好多客人一場黎都係食個鬆餅加飲杯咖啡。有時約左朋友想坐底傾下計,又唔想去d連鎖coffee shop,想靜靜地同朋友傾下計既話,呢間cafe小店絕對係不二之選!

▲傳統西班牙蛋餅($98):蛋餅入面有好多架餡,分別有薯仔、甜椒、煙肉、芝士、洋蔥,材料好豐富。而蛋餅餐係全日供應既,仲會包埋餐湯。

.

▲三式窩夫($74):分別係招牌窩夫、可可窩夫、年糕窩夫。呢度既窩夫係自家製,加入左亞麻籽,食落去感覺健康多了。

▲安格斯牛肉芝士漢堡配沙律($88):黑色既麵包其實係墨魚汁製作,食落去非常鬆軟。而安格斯牛肉都幾厚配埋洋蔥蘑菇一齊食好味! 仲會有埋半份蔬菜沙拉,食完牛肉再食番清新沙律感覺上健康d!

▲煙三文魚忌廉芝士貝果($74):bagel焗到好脆,記得要趁熱食bagel,如果凍左先食就會好硬。煙三文魚份量都多,入面有好多忌廉芝士醬,食落去唔會太乾。

▲餐廳富有文青感,有個落地玻璃令到餐廳光線好充足,氣氛比客人休閒既感覺。

One Little Room

地址:觀塘偉業街93號地舖

營業時間:星期一至五08:30 21:00/星期六至日10:00 19:00

電話56164515

文字來源:香港人.遊香港/圖片來源:@harrykhkey、@paulinelittlesheep、@p.happy.smile、@isaacshekyf

這篇文章 觀塘cafe:【觀塘良心Cafe必食傳統西班牙蛋餅+自家製窩夫!】- One Little Room 最早出現於 香港人遊香港

關注我們Facebook專頁
    相關新聞
      更多瀏覽