荔枝角中秋活動:【荔枝角秋祭市集再現巨型月亮!中秋放水燈/行市集/日式祭典!】- D2 Place
2019年09月08日23:49

荔枝角秋祭市集再現巨型月亮!中秋放水燈/行市集/日式祭典!

秋祭從來都係荔枝角呢個商場既重要盛事,呢個中秋嘉年華再次帶黎日式祭典!除左有慣常既市集之外,今次天台設有巨型月亮庭園比大家打卡,仲可以係許願水池放水燈,行完市集打完卡記得參加埋「中秋離奇之謎」有獎遊戲。今次市集仲加入日本人氣動畫角色「TAMA FRIENDS 貓狗寵物街」主題,場內有許願繪願望版主題,當然唔少得有貓狗寵物街文具套裝、毛公仔售賣!想再極致d感受日本祭典氣氛,市集提供和服浴衣租用,同朋友、家人或情侶漫遊秋祭!

▲秋祭係以中秋社主題既嘉年華兼市集,今次活動包括手作創意市集、天台巨型月亮庭園攝影區、水燈許願池、和服體驗以及多個祭典活動。

▲市集有入日本人氣動畫角色「TAMA FRIENDS 貓狗寵物街」主題,大家可以隨意打卡!

▲因應「TAMA FRIENDS 貓狗寵物街」主題,有唔少主題精品場內有得賣。

▲今次秋祭有超過100個本地手作品牌,包括手工木藝、

手工皂、織品及手工飾物等等,

更因應主題特意挑選了許多日系主題的品牌。

▲秋祭除左有得買仲會有得食,包括鹿兒島和牛粒、築地玉子燒、幸福煎餅等等

▲市集提供和服浴衣服務,等大家盡情漫遊秋祭

▲天台賞月時可同巨型月亮打卡影相

▲大家可於水燈上寫上願望,並放到水

燈許願池中

麥田捕手 秋日文化祭2019-天台巨型月亮/許願水池

日期:2019年9月7至15日

時間:下午1時至下午9時(星期六及星期日); 下午5時至下午9時(星期一至星期五)

電話:3166 3111

地址:長沙灣長義街9號D2 Place 一期天台

麥田捕手 秋日文化祭2019-日式主題手作市集

日期:2019年9月14至15日

時間:下午1時至下午9時

電話:3166 3111

地址:長沙灣長義街9號D2 Place 一期2樓The Space

文字來源:香港人遊香港/圖片來源:@d2place

這篇文章 荔枝角中秋活動:【荔枝角秋祭市集再現巨型月亮!中秋放水燈/行市集/日式祭典!】- D2 Place 最早出現於 香港人遊香港

關注我們Facebook專頁
    相關新聞
      更多瀏覽