泳兒失聲一年陷事業低谷
2019年09月04日03:00
泳兒(右)接受訪問,大談歌壇辛酸。

【星島日報報道】即將舉行演唱會的泳兒,日前接受香港開電視《娛樂頭條E-news Headline》主播馬梓軒(William)專訪,期間進行了小測試,她在55張師妹許靖韻的照片中,只需3秒便找出自己。泳兒笑道:「其實我唔止同許靖韻似樣,以前讀書嘅時候,好多人覺得我同一位同學的樣子係似到會叫錯人!不過我又唔會尷尬,只係覺得好好笑,上帝應該做咗好多呢個樣,然後散播喺呢個世界!」

雖然人有相似,但泳兒的歌聲是獨一無二,她回憶2016年舉行入行十周年演唱會後,經歷失聲長達一年多,坦言當時事業陷入低潮:「嗰時心情都幾差,因為自己身體唔太好,亦都無遇到一啲機會去開演唱會,所以我覺得有心無力,加上自己際遇,其實嗰時心情係屬於其中一個低谷!」

回復狀態的泳兒,跟很多歌手一樣希望踏上紅館開騷。問到現階段與髮型師男友Ziv拉埋天窗抑或登上紅館比較快,她表示:「呢啲野就無時間表嘅,我覺得如果你問埋Ziv嘅話,我覺得佢都會想我上紅館先!我都希望將我第一個紅館演唱會,交畀佢做我嘅髮型師!」

關注我們Facebook專頁
    相關新聞
      更多瀏覽