祖兒遇Supper Moment惹爆粗疑雲
2019年08月24日03:00
■因溝通上的小誤會,Sunny以為祖兒爆粗,二人為此笑到彎腰!

【星島日報報道】(星島日報報道)容祖兒《PRETTY CRAZY演唱會》於17場演出被歌迷騎劫場地求婚,祖兒更提議被求婚的女歌迷戴上戒指,還送上歌曲《華麗邂逅》,祝福一對準新人永結同心。

容祖兒《PRETTY CRAZY演唱會》於前晚舉行第17場,更吸引到曾華倩,黃佑南、吳浩康、陳健安及古巨基等入場欣賞。當晚祖兒請來樂隊Supper Moment擔任嘉賓,當祖兒介紹他們出場時,指經常有人致電給她問及當晚有那位嘉賓。她說:「嘉賓咁重要咩?依家嘉賓係主菜,定我先係主菜,豈有此理!」現場觀眾見Supper Moment出現舞台後,隨即嘩聲四起,Supper Moment主音Sunny即謂:「永遠係香嘅主菜,容祖兒!」

祖兒睇到現場觀眾的熱情反應,不禁謂感受到Supper Moment的威力,但Sunny笑言Supper Moment第一次紅館四面台,全因容祖兒。祖兒又大爆朋友得知這晚嘉賓是Supper Moment,即問可不可以調(調到這晚來睇騷)。但此言一出,Sunny即嚇呆,然後笑言:「哦,調,我聽咗另一個字呀,哈哈哈……畀人調喎……」當獻唱歌曲《告解》前,祖兒笑指霆鋒任嘉賓時未有唱此曲,Sunny隨即叫祖兒放心,自己會盡量用謝霆鋒唱腔去唱。

演唱會尾聲安歌時,祖兒發現有一位女歌迷狂哭即問發生何事,其他觀眾大爆此女歌迷剛獲男友求婚。祖兒搞笑問:「你騎劫我個場求婚,你上來啦!係咪求婚?點解咁突然?畀我睇下你隻戒指大不大隻先,都OK喎!載咗佢啦!錫啖先啦、打個車輪先、恭喜晒!」最搞笑女歌迷拿住花喊住跟祖兒講以為紮花是送給祖兒的,祖兒聞言即謂:「屬於你㗎!我心領,我送首《華麗邂逅》畀你,祝你哋永結同心,恭喜晒!生多幾個。」

關注我們Facebook專頁
    相關新聞
      更多瀏覽