沙田串燒:【平民抵食燒烤小店!爆汁甘香豬頸肉串/牛肉串!】- 新蒲坊
2019年08月22日12:34

平民抵食燒烤小店!爆汁甘香豬頸肉串/牛肉串!

呢間平民燒烤小店位於沙田好運中心馬會隔隔離,唔係馬迷或者附近居民都未必知,呢度未行到去都已經聞到陣陣沙嗲串燒香味,好多街坊都識路黎搵食,串燒係即叫即焼,款式選擇有牛肉、雞肉、豬頸肉、煙肉腸、雞翼同司華力腸,價錢都好相宜,雖然加左幾次價,都仲係非常抵食,以一串牛肉為例就有8件,仲可以任掃上蜜糖或沙嗲汁唔嬲,唔怪得咁多街坊支持。咁多款式之大,最受歡迎都係燒豬頸肉,用明火燒完後更逼出其甘香油脂,食落更係非常爽口。

▲串燒豬頸肉($?/串),佢爽口油脂豐富,肉味濃郁;串燒雞肉($?/串)雞肉非常厚身,肉質嫩滑香口。

▲串燒豬頸肉($?/串),牛肉質感軟腍,都幾易入口。

▲全部串燒即叫即燒,以小小既電爐製作,不過呢度成日都企滿客,想食串燒就要有耐性地等下喇!

▲串燒攤檔前可以比顧客落沙嗲醬同蜜糖

▲串燒都係維持返街坊親民價

新蒲坊

地址:沙田橫壆街1-15號好運中心3樓109C2號舖

文字來源:香港人.遊香港/圖片來源:@keila_3ks、@foodiejc、@rosyrosywhite、@iiiiamyuki

這篇文章 沙田串燒:【平民抵食燒烤小店!爆汁甘香豬頸肉串/牛肉串!】- 新蒲坊 最早出現於 香港人遊香港

關注我們Facebook專頁
    相關新聞
      更多瀏覽