祖兒晒新衫 歡迎蔡一傑任摸
2019年08月22日03:00
草蜢為祖兒個唱擔任嘉賓。

【星島日報報道】容祖兒每場《PRETTY CRAZY》紅館演唱會,每晚均邀得重量級神秘嘉賓現身,前晚第十五場有殿堂跳舞組合草蜢撐場,祖兒同蔡一傑台上打情罵俏,更講明任他摸!

祖兒休息一天後狀態大勇,開場即自爆當日出場前被反鎖在廁所要人營救,她叫觀眾給她能量驅走負能量,台下全晚瘋癲大合唱。當邀請嘉賓出場時,祖兒笑言:「連日來不同職業都有出現,這日是昆蟲類,有三隻,有個跳舞跳到開學校,有個跳到頭髮長過我,有個跳到遲些自己開演唱會,有他們就好似開party咁開心!」

當祖兒恭喜蔡一傑即將開個唱,熱情自薦:「好多人情都要還,你個演唱會需唔需要請嘉賓?」沒料傑仔尷尬反問:「你係咪好想?我有個空缺,你想唔想玩另類做和音?」祖兒呆了一呆後說:「我唔熟喎。」傑仔竟繼續開口夾着脷:「我諗吓……」祖兒聞言即大笑,傑仔滿頭汗解釋:「我唔係推你,我絕對歡迎,我係唔好意思你作為一個天后級……」蘇志威即幫口:「佢話佢好難得掉低我哋兩個自己玩呀。」

傑仔又讚祖兒件衫靚,祖兒即叫他摸摸,傑仔反問摸哪里,祖兒笑言:「我哋有咩所謂,你想摸邊度?」台下一片笑聲,蘇志威不禁講:「你哋有本錢打情罵俏,我就唔可以做啲咁嘅野。」這時祖兒突然想起蔡一智未出過聲,笑指阿智通常說話最有智慧。阿智卻大爆祖兒「crazy」事:「有次行山,路線圖好崎嶇,一段要行落馬路,我諗佢貴為天后怕唔怕,點知佢竟然雀躍起來喺馬路上單腳彈彈吓,話好開心咁大個女未試過喺馬路行!」前晚捧祖兒場的藝人包括何嘉莉、湯寶如、陳慧嫻、陳潔靈、林姍姍、林奕匡夫婦及森美夫婦。

關注我們Facebook專頁
    相關新聞
      更多瀏覽