林奕匡首個內地售票演唱會圓滿結束 邀小師妹黃妍站台做嘉賓
2019年08月20日17:48

歌手林奕匡 (Phil) 在內地首個爆滿售票演唱會《PHILROMANTIC 林奕匡 2019 巡迴演唱會》,上星期六晚(17日)於廣州中央車站展演中心舉行。首次在當地舉行演唱會的 Phil,看到全場滿座,令他感動又開心,他一開場便接連唱出〈Goodman〉、〈是日休息絕不工作〉及〈買不到的快樂〉,之後他與觀眾打招呼,並感謝觀眾的支持。

今次 Phil 特別請到小師妹黃妍 (Cath) 擔任自己的演唱會嘉賓,他們一起唱出〈一世同學〉,Phil 透露請 Cath 做嘉賓的原因,笑說因為覺得自己與 Cath 頗相像,他說:「大家都識玩樂器,又係自己寫歌,最重要係大家都係一樣對夢想好堅持!」獲觀眾報以熱烈的掌聲回應。之後 Phil 將舞台暫交給小師妹,由 Cath 獨唱〈笑容迷路了〉,其甜美的歌聲成功吸引觀眾的注意。

Phil 再次現身台,在唱完〈難得一遇〉後,Phil 與歌迷分享心情,他說:「音樂令到我行咗好多好特別嘅路,亦都帶我去咗好多唔同嘅地方,好似我之前去咗Boston學音樂啦,前一年我又去咗歐洲做歌啦,每一次都係好特別嘅聚會,好特別嘅Party。」而他更邀請現場觀眾與他一起開「Party」,炒熱現場氣氛。

而 Phil 先後唱出〈從世界到我家〉、〈家常便飯〉和〈頌讚詩〉…等人氣作品後,他趁機借觀眾的掌聲去感謝在幕後為他填詞的人,他更興奮地感謝現場所有的觀眾,Phil 帶點激動說:「今晚亦會係我人生一個重要嘅畫面!因為有你哋嘅支持,就係我繼續奮鬥嘅動力!」場面感動到不少歌迷。

在接近演唱會的尾聲,Phil 再度剖白心底話,他說有一首歌救回他,亦救回他的音樂,他曾經擔心那會是自己唯一的一首歌,接着便唱出大熱作〈高山低谷〉,觀眾反應熱烈,甚至有人跟住 Phil 和唱,掀起全晚的高潮!其後 Phil 親為自己的演唱會名解說,他表示:「今晚呢個《PHILROMANTIC 演唱會》,就係要同所有廣州嘅朋友,開一個Romantic 嘅 Party,而浪漫,唔一定只係愛情!一齊聽吓歌,一齊開心,只要我哋一齊,就係一種浪漫。」Phil 原本以〈有人共鳴〉為演唱會最後演出的歌曲,但熱情的歌迷不繼大叫Encore,所以Phil再次走回台上感謝歌迷的支持以及再唱出〈一雙手〉一曲畫下完美句號。

關注我們Facebook專頁
    相關新聞
      更多瀏覽