同途有心人 車保羅
2019年08月19日12:06

如果,每個人的人生旅途,都是一帆風順、無風無浪的話,那麼這個世間上,就不會有「同是天涯淪落人」這句話。

說到倒霉淪落,車保羅的人生,也可說是「黑仔」到一個點。

曾幾何時,他被TVB裁員失業,要靠綜援生活、孫女遇上交通意外身亡、母親病逝苦無殮葬費用,傷心難過,只能抬頭問天:「我又唔係大奸大惡、又唔係殺人放火打家劫舍,為甚麼要這樣對我?」

傷心,就只有這麼一刻。

「我回心一想,就算再繼續愁,都係無補於事,不如行出門口,搵A方法試一試、再搵B朋友幫手、跟住再搵C睇?有冇工開啦!」

車保羅相信,人生路途上,總會遇到有心人,願意伸出援手。

就好像他去年從工作了十二年的博愛醫院離職,窮途末路日日坐在元朗街邊飲酒消愁,失意徬徨之際,某日竟遇上好心街坊,介紹他到街市做保安員,每天朝六晏二,解決生活所需。

「我做人,係曾經跌到落最谷底,&#134513家算係慢慢爬返上去一個好少少?地方,最緊要唔使憂三餐,有工開、有朋友,每日嘻嘻哈哈就過,我覺得好開心呀!」

又例如,早已算是退出娛樂圈,不知多少年沒有拍過戲,兩年前於《詭探》中與邵仲衡結片緣,去年竟然由對方介紹,參演短片《老人與狗》,憑此片得到台北電影節最佳男主角提名。

「開心呀!入行四十年,乜獎都冇?過,開心到我即刻返屋企,?阿媽個神位面前上香,向住個天同阿媽講,今次都算係有交代啦!你要睇住我。之後我又開罐啤酒慶祝!」

我確實見到,車保羅眼尾的少許淚光。

▲一九八一年,車保羅在劇集《對對糊》中飾演一角,當年的男主角是張國榮,女主角則是倪詩蓓,影合照車保羅更站在張國榮身旁。

撰文☆梁文威 攝影☆蔡豪 設計☆李浩然

窮途不是末路

人生,就是這樣,從來沒有甚麼可以預計。

這天車保羅接受訪問時,不斷有元朗街坊與他打招呼,為他打氣。

「單新聞出?之後(提名台北電影節影帝),個個街坊都猛叫我加油,都算係為元朗街坊爭光啦!」

這次是今年六十歲,原名吳溟蒼的他,入行四十年來,第一次獲得獎項提名。「咁多年雞蛋、鹹蛋都冇?過一隻,是第一次提名,係開心,不過最初乜都冇諗,只係未試過,咪拍?囉!」去年正值失業期間,經邵仲衡介紹與該片導演見面,一拍即合成為男主角。

「邵仲衡係好兄弟,佢識得導演,知道要搵人拍,覺得我適合,就介紹我們見面,導演入元朗食餐飯,就決定係我,點解呀?夠樣衰、夠潦倒、夠霉?嘛!當時我失業冇錢,成面鬍鬚,又整親隻腳行到跪?跪?,?住罐啤酒真係入型入格。」

初時得知有提名,他自己亦不相信。「開頭話我做影帝,我話愚人節呀!」電影拍攝只花十日,沒有浪費任何時間,事關當時車保羅根本冇工開。

「博愛醫院做了十二年,人工減一半日日返工被人玩,要我自己走。又遇上人生低潮,真係意志消沉。日日冇?做,咪嚮街邊飲酒囉,有朋友見到就介紹我去街市做,話入去搵鄧生就得喇!」

新工做了六個月,他自稱是街市早更阿一。

「我是早更阿一,因為就係得我一個人,乜都一腳踢,日日零六返到兩點,之後就happy hour,繼續同街坊朋友傾偈吹水。」

曾經要靠綜援度日,為兩餐乜工都做,車保羅現在開心過日子,經濟上算是平穩。

「經濟冇乜問題,每個月準時有糧出,又不用問人借,自己飲啤酒食煙,兩樣嗜好搞得掂,不求人,已經係人上人啦!有時做?咖喱啡、炒散,或者拍一、兩日戲,搵多少少錢。我家陣有兒有孫,有工作有地方住有老婆,齊晒啦!太太又有工作,在洪水橋一間餐廳做,仔又有工作,一家三個人做?,養兩個孫,一個兩歲、一個未夠一歲。成家人齊齊整整住元朗半山(公屋),不知幾好啦!哈哈!」

保羅大戰五架妹

車保羅八○年入行,第一套戲是周梁淑怡的《有你冇你》,繼而入麗的電視拍劇集。

「車保羅這個名,也是周梁改的,我身份證上真的用英文名Paul,我又鍾意車,就叫車保羅,一用四十年。」演藝生涯拍過無數電影電視,但最讓香港人記得的,可能會是早幾年,在荷李活大片《特務戇J》中,與Mr.Bean的十秒對手戲。

「其實我成日畀人問,話有乜咁叻?出場唔夠十秒就瓜?啦!我就話你講得?,不過台上一分鐘、台下十年功,都係為港爭光?!」

說到Mr.Bean,他卻笑說遺憾未能拍到一張合照。「我個人認為,周星馳好過佢,起碼周生都會留在現場耐少少,有講有笑,Mr.Bean一拍完就即刻消失,唔見?人,相都影唔到張。」

不過,車保羅最讓人估不到的,不是衝出國際在荷李活大片中演出一角,而是他其實早在八十年代,就已經去過日本拍「成人電影」。

「其實係被人呃去?。本來話係拍功夫笑片,咁我咪去囉。開頭真係,點知去到最後一晚,化妝突然話,老闆今晚好好,醒五個日本妹畀我,仲問我要唔要神油?要唔要西班牙烏蠅,我話唔使,當時三十幾歲壯年!不過我係唔會拍鹹片?!」

之後有人就叫日本老闆來,以英文威脅溝通。

「佢問係咪唔拍,我話當初過來不是拍四仔喎,點知佢一支疊球棍打落自己隻腳度,支棍竟然斷?,問我骨頭硬唔硬得過支疊球棍呀?威逼之下,惟有拍囉!」

當時拍這種成人片,會在下體貼牛皮膠紙,以防萬一。「不過我話我唔使,唔自願拍我唔會有反應,是太監來的,願唔願意賭一百萬日元,若果我輸?,就輸晒片酬。點知我真係忍到,谷到個頭都紅晒呀!五個日本妹喎!佢?好講信用,拍完真係即場畀一百萬日元我!塞晒入恤衫即刻走人啦!」

該片最後以《肉蒲團》之名在日本上畫,香港就不知道甚麼原因,從來冇正式上過。「好似後來有錄影帶出過,但我就搵唔到,自己想睇都冇計。」

1.《特務戇J》中車保羅只現身十秒兼得一句對白,事後更常常被人問「有乜咁叻?」他就笑說:「冇乜幾叻,不過收荷李活人工囉!」

2.《老人與狗》一戲,讓車保羅得到人生第一個最佳男主角提名。人逢喜事,自從知道提名後,他一直十分開心,開工時又有元朗街坊祝賀,所以日日都高興得眉開眼笑。

3.一七年拍Viutv《詭探》,與邵仲衡及尹揚明結片緣。「多謝邵仲衡介紹我去拍戲,其實以前有?電視台見過,但真正認識就係拍《詭探》。」

有也事?事頭婆

講完當年艷遇,車保羅不忘立刻講:「當年單身,點玩都得,家陣當然不可以啦!做埋人阿爺。」

語氣言談間,予人感覺,相當懼內。

「唔好咁講,我們是互相遷就,一出糧我就將所有錢都畀晒佢,如果有人問我借錢,我就叫佢自己問我事頭婆囉!」

車保羅與兩任太太,都是奉子成婚,現任太太本是他朋友的菲律賓籍家傭,經朋友介紹一拍即合,拍拖三年後結婚,兒子今年也已經二十五歲,早兩年亦是奉子成婚,娶了一位菲律賓籍太太,為車保羅誕下兩位孫兒。

「與太太識?二十八年,從來沒有鬧交,只係傾偈,例如佢會同我講,你可唔可以唔好成日『撩』鼻屎呀?好,我即刻改!有時飲大?返屋企,講衰?個嘴唔乾淨,佢一句叫我『收聲!』,咁我咪行出去冷靜?先囉!食支煙返入去,講句老婆對唔住呀!咁又搞掂啦!」

車保羅說,兩人性格十分投契,輕輕鬆鬆就過了差不多三十年。

「我飲酒佢又飲酒,我食煙佢又食煙,兩個有好多共同?。有乜事咪?杯酒,講聲sorry囉!」

感謝曾醒明

訪問中,車保羅多謝很多不同的人,曾經出手幫助身處困境中的他,當中更特別要感謝曾醒明。

「當年外孫出事,我剛剛離開無?,?緊綜援,真係黑到暈,阿媽又去?,真係冇計呀!搵一萬都冇辦法,唯有打畀曾生,點知我一句都未講完,淨係話我個孫女咁樣,佢就話得,之後就有記者來洪水橋搵我,之後曾志偉就幫手,籌到四萬幾,算係幫阿媽好好安葬啦!」

雖然已是十多年前的事,但車保羅說到傷心處,聲音還是有點淒楚。

「總之我欠曾生好大情,一世都還唔到。」

▲車保羅與菲籍太太結婚近三十年,至今仍然十分恩愛,兒子亦已是兩子之父。但原來兩人至今仍未影過結婚照。「其實我?乜儀式都冇搞,所以真係冇結婚相!」

身高六呎三,車保羅在街市門前指揮交通,元朗街坊都聽聽話話,更不時會有人大叫「唔該Paul哥!」

▲車保羅在訪問中,特別感謝曾醒明當年的幫助。

明天一定有太陽

支撐車保羅度過人生困境的,有這樣一句他自創的說話:

「never sit in your house,go out ,try your best!我有時都會同年輕人講,有困難,千祈唔好一個人坐?屋企,唔通對住貓貓狗狗講?會有用咩?只要肯行出門口,永遠都有好多機會。」

之不過,這個世界上,卻有一個人,總是希望他能留在家中。

「有好多年時間,我的人生非常『霉』,冇工開就會出街四圍行扮搵?做。點知有一日,我老婆同我講,屋企仲有幾斗米,你唔使成日行出去扮搵?做?。呢句真係令我個心非常暖,原來『事頭婆』睇穿?我咁多?。自從那次之後,我就唔使日日煩,扮?話阿邊個搵我開工、阿邊個搵我做?,因為老婆話畀我聽,屋企仲有兩斗米,食埋佢先囉!日子過得到喎!」

隨遇而安,是六十歲的車保羅最重要的自我安慰,對於是否有機會成為「影帝」,亦只抱平常心。

「幾十歲啦!唔會諗太多喇,最緊要家陣呢份工,有戲拍有外快搵呀?搵囉!有其他?玩咩?咪玩囉!七月初頒獎禮時,同埋老婆、仔、新抱同兩個外孫,一齊去台灣,當旅行之餘,畀佢?見識?行紅地毯。就算最後唔得,我都當係贏?。」

這一刻,又有一位去街市買?的阿嬸,笑?叫他:「Paul哥,畀心機呀!」

明天,車保羅又會繼續化身街市阿一,指揮貨車出入。

「條路係自己行?,明天一定有太陽。」

車保羅在元朗街市橫巷中,如是說。

▲做了人?阿爺的車保羅,手機中就保存?太太和孫兒的合照,提醒他每天也要準時回家吃飯。

關注我們Facebook專頁
    相關新聞
      更多瀏覽