鄭秀文生日派對 杜琪峰到場慶生 安仔迴避
2019年08月09日18:14

三個幾月前爆出「安心偷食」,男女主角許志安與黃心穎的命運各走極端,安仔勇於承認自己係壞咗嘅人,痛定思痛留港潛水懺悔,獲老婆鄭秀文Sammi大愛原諒重新接納,三個月後又一條好漢。完成十三場個唱的Sammi上周同老公伴飛英國,二人共同攜手跨過難關﹐感情更勝從前。然而,安仔未獲所有人原諒,包括Sammi恩師杜琪峯「曾經話過若他對唔住 Sammi,會斬他××十碌」,而鄭秀文生日宴上,就未見安仔

撰文:東方新地 圖片:IG、新傳媒圖片

鄭秀文生日宴 安仔冇影

Show前遇上老公偷食,鄭秀文選擇原諒壞咗嘅老公許志安,忘記傷痛積極排練個唱,風雨飄搖成功完成十三場演唱會,終於放下心頭大石開始她的悠長假期,日前,Sammi就跟已獲她原諒的許志安,一同飛英國旅行,藉出埠散心修補夫妻裂痕,同行還有好友張衞健夫婦,不過兩對夫婦就分開入閘,以掩人耳目。據知情者透露:「安仔出事之後,Dicky(張衞健)畀咗好多鼓勵去支持兄弟,本身佢同Sammi又熟,大家又係教徒,佢都有用聖經金句開解Sammi ,好似今次英國旅行,都係Dicky提議,佢好想Sammi同安仔,可以趁浪漫旅程重拾以前嘅甜蜜!」

鄭秀文
鄭秀文
同杜Sir慶生後兩日,輪到古天樂為鄭秀文預祝生日,當日古仔亦有邀請杜Sir出席,不過同樣有杜Sir冇安仔。

鄭秀文
鄭秀文
有兩位好友陪實提早過生日,鄭秀文心情勁靚,燦爛笑容再現。

見 Sammi朋友尷尬

似乎今次旅程相當漫長,Sammi預計趕唔切本月19號回港過生日,出發前便先跟恩師兼好友杜琪峯和古天樂提早慶生,不過兩晚生日宴,老公安仔都冇影!今年4月偷食出事後,背叛老婆Sammi的許志安,除咗遭Sammi粉絲離棄,連帶是Sammi 恩師的杜Sir,亦曾公開鬧爆他,直言「如果佢揼咗Sammi,我就斬佢××十碌」,言猶在耳,許志安要再面對杜Sir當然要三思。據知情者透露:「杜Sir好錫Sammi,安仔偷食件事佢嬲到火遮眼,安仔到依家都唔敢面對杜Sir,怕對方氣憤難平發火,所以杜Sir幫Sammi慶生,都唔敢出現。」

鄭秀文
鄭秀文
本月19日便47歲生日的鄭秀文,同恩師杜琪峯提早慶生,四月「安心偷食」事件爆出後,杜Sir曾揚言安仔若負Sammi,會斬佢××十碌!唔知係咪畀杜 Sir嚇親,當日生日宴就未見安仔現身。

除咗唔敢見杜Sir,去到Sammi個唱後台,安仔一樣唔敢高調。據知情人說:「雖然老婆原諒咗佢,但偷食咁唔光彩嘅事,對再見Sammi啲朋友佢都怕尷尬,最初都唔知點面對大家,喺後台大部分時間都喺Sammi 化妝間坐埋一邊,好少行出嚟見人,多數由Wallace(經理人郭啟華)同相熟嘅同事陪實,就算見到Sammi啲朋友,佢都係點頭打招呼,唔似得以前咁風騷滿場飛。」一子錯滿盤皆落索,做錯事咎由自取的安仔,相對「安心偷食」另一主角黃心穎,要著草避走美國,獲神老婆特赦可以極速重生,點講都已經三生有幸!

鄭秀文
鄭秀文
偷食後火速獲老婆鄭秀文原諒的許志安,潛水思過三個月,藉Sammi開騷出關見人,但全程留在後台唔敢高調。

鄭秀文
鄭秀文
鄭秀文跟張衞健夫婦相當老友,兩pair人相約到英國旅行,順道探望已移居當地的雷頌德夫婦,巧遇同到英國旅遊的李嘉欣夫婦,許志安繼續冇得出鏡。

鄭秀文
鄭秀文
除咗尾場撐場,張衞健張茜夫婦,亦陪安仔鄭秀文飛英國旅行,幫老友箍煲落唔少力!

紋身自勉 po相放生

忽然身上多咗幾處紋身,除咗左手紋有紅繩,兩邊腰側亦有紋身,其中左邊腰側更紋上英文句子 「It’s time to start something new,and trust the magic beginning」 自勉,但Sammi就指紋身是因早前膝蓋受傷要鼓勵自己。

Sammi力撐老公,po相還刻意畀留守後台的安仔曝光。為免受到騷擾,Sammi開騷期間搬住都會海逸酒店,而每晚完騷後,老公許志安則獨自坐車返回淺水灣寓所。

延伸閱讀:

BB汗多易皮膚敏感 兒科醫生分享預防妙法

名古屋親子遊2019|一篇搞掂!9大景點玩樂整理 名古屋自由行全攻略

關注我們Facebook專頁
    相關新聞
      更多瀏覽