伊健扮英雄人物無咗忽肉
2019年07月28日03:00
■(左起)馮允謙、鄭伊健與蘇麗珊,出席「蝙蝠俠80周年經典傳奇」揭幕禮。

【星島日報報道】(星島日報報道)鄭伊健、蘇麗珊與馮允謙昨日出席「蝙蝠俠80周年經典傳奇」揭幕禮。伊健自認是蝙蝠俠迷,兒時很喜歡英雄人物,更試過扮英雄人物在碌架牀上層跳落地,撞到衣車令膝蓋無咗忽肉。伊健更認為做人要有夢想,他表示:「我在實踐自己夢想的過程中都遇到很多困難,當時見我想做一個藝人,都話你得唔得o架?會唔太贊成,或講難聽的說話。又好似我扮演聶風,啲人話我邊忽似呀?我無諗過夢想成真,但係我會做好自己。」談到右手傷勢,伊健表示已康復得七七八八,亦不用睇物理治療。

蘇麗珊坦言並非修讀演藝課程出身,自覺有不足之處,雖然想跟黃秋生上堂學演技,但對方很忙,之前也有跟甄詠蓓學演戲,稍後亦計畫再上堂進修。

另外,於加拿大長大的馮允謙,直言母語是英語,本身廣東話不好,每當緊張時會夾雜一些英語,所以會跟經理人多講廣告話練習,亦會睇周星馳的電影惡補。

關注我們Facebook專頁
    相關新聞
      更多瀏覽