諸葛紫岐榮升幸福四口之家
2019年07月27日03:00
■Marie分享一家四口的幸福合照。

【星島日報報道】(星島日報報道)薛嘉麟與太太諸葛紫岐(Marie)今年四月再添一子Andersen,升呢幸福四口之家,昨日在金鐘港麗酒店設百日宴,筵開22席與親朋好友分享喜悅。Marie以她鍾愛的卡通人物「麵包超人」及氣球悉心布置現場,現場所見除了精緻的雙層蛋糕,更有卡通杯子蛋糕、雪茄型朱古力以及寫有Andersen字樣的馬卡龍等,相當有心思。

Marie與老公齊齊亮相受訪,但未有帶同主角Andersen與大家見面,夫妻洋溢幸福表情,薛嘉麟指百日宴主題是馬戲團,是太太與大仔的愛好。問Marie湊兩個小朋友辛苦嗎?她說:「都OK,主要是第一個時吸收好多經驗,現在冇咁緊張。(修身都好快?)係呀,因為同第一胎生時差不多,所以冇咁緊張,第一胎時緊張好多。(細仔乖嗎?)弟弟好好湊,好乖,只有肚餓時會喊,飲完奶便好乖,但目前未戒夜奶,三個鐘餵一次,想四個鐘都唔得,暫時冇覺好瞓。」

問到Andersen較黐邊個?薛嘉麟笑說:「佢好乖,唔扭計,個個抱都得。」Marie又希望細仔先學識叫哥哥,她說:「不如叫哥哥先,哥哥真係好錫佢,佢都成日同細佬講叫哥哥先唔好叫父母住。薛嘉麟表示已為Andersen取中文名,夫妻二人想了四個名字,由哥哥從中選擇,宴會上亦會頒一個「最佳哥哥獎」給Arthur,Marie說:「因為佢一直好保護細佬,又不會呷醋,細佬一喊我們手腳慢點都會畀哥哥鬧。」

提到Marie身型沒變,她直言好開心產後可以維持好身材,老公薛嘉麟則說:「初時唔公布係唔想太太有壓力,因為第一胎情緒波動大,今次希望畀多點空間佢,令佢舒服點。」問到二人會否「收工」、還是仍有計畫再為兒子添弟妹?Marie笑問老公「收工未?」,薛嘉麟說:「今次要問細仔,因為要尊重兩個仔仔。」問Marie以兒子為先,老公排到第幾位?Marie望住老公甜笑,薛嘉麟笑言:「是冇所謂,太太在我心中排首位,我只要在她心中有位置便可。」

關注我們Facebook專頁
    相關新聞
      更多瀏覽