蔡少芬陀第三胎狂喜 億半樓后Ada再入市
2019年07月26日14:44

蔡少芬(Ada)08年嫁張晉,連生兩個寶貝女楚兒與信兒,計劃追仔多年,Ada邊北上搵人仔邊努力,今年終於意外再懷孕,45歲已屬高齡產婦的她如願以償。Ada無懼當年曾經歷小產,陀第三胎狂喜,繼續湊女周圍飛的忙媽生活,早前更一家返鄉探親,在重慶玩水又周街食雪糕,大肚Ada百無禁忌愉快陀B。近年Ada在國內發展豬籠入水,老公張晉亦人氣急升,夫婦二人吸金力強,出名慳家的Ada持家與投資同樣有道,現時在中、港兩地手持市值1億半物業,被封圈中樓后,為賀第三胎,Ada有意於新界區再入市,為了下一代有優厚生活條件,未雨綢繆,張家小B未出世已是人生勝利B,有個富媽媽真幸福。

撰文:東方新地 圖片:新傳媒圖片、IG、微博

蔡少芬陀第三胎狂喜再入市

蔡少芬(Ada)與張晉結婚11年,育有兩名女兒,分別是8歲的楚兒及6歲的信兒,雖然曾公開自爆10年拍《後宮甄嬛傳》時曾小產,但45歲的Ada為生B非常努力,連生兩個女後亦曾計劃再追仔,不過一直未能成功。月前兩夫婦突然在網上拍片報喜,宣布Ada陀第三胎,獲全城祝福。早前張晉完成新戲《九龍不敗》的宣傳工作後,一家四口就返回重慶老家探親兼充電,更與親友到市郊的古鎮遊玩,被網友野生捕獲。

蔡少芬
蔡少芬
日前蔡少芬與張晉齊齊去元朗郵局寄件,點知郵局唔收,忟憎的Ada驚現成面瘡,究竟係熱氣所致抑或傳聞中的陀仔會令皮膚變差?

奶奶有望抱男孫

已是高齡產婦的Ada本來對追B一事已放下,這次意外懷孕令全家都非常興奮,知情者透露:「大家都知Ada同老公努力咗幾年都冇聲氣,Ada都放低咗諗住唔再追,有兩個女都好開心好滿足,點知一放鬆就有咗,真係上天畀佢哋嘅一份大禮,楚兒同信兒知道有多個細佬或者妹妹都好開心,佢哋都可以幫手照顧BB,不過最開心都係奶奶,佢一直恨抱男孫,今次Ada叫胡成數都好高,呢半年Ada同奶奶一齊拍國內真人騷《我最愛的女人們》,婆媳關係真係好到不得了,睇嚟奶奶真係好滿意呢個新抱,張晉娶咗佢,大旺事業,Ada自己又本事,近年喺國內大受歡迎,最難得係肯生仔,生三個真係唔易,佢仲要係親力親為去照顧同湊,真係好勁。」

蔡少芬
蔡少芬
蔡少芬與張晉黑衫襯到絕,二人到元朗連鎖電器舖買電腦及打印機,離開時Ada拎住一大袋,大肚婆一啲都唔依賴。

雖然陀B6個月,Ada個肚唔覺累贅,手腳仍纖幼,身手仲相當敏捷,不過拎粗重嘢最後都係交畀老公張晉啦!

知道Ada陀第三胎,張晉即變緊張老公,雖然阻不了老婆周圍飛,但他亦停工傍實,早前一家四口趁囡囡放暑假,飛返張晉家鄉重慶探親兼遊玩,更被拍到去到市郊偏岩古鎮遊覽,同行還有張晉父母。為免引起哄動,Ada跟張晉都戴上口罩,而張晉亦對大肚的老婆照顧有加,不時為太太影靚相留念,而Ada更一試古鎮有名的河上打牌,跟親友聯誼感情。

去年結婚十周年,Ada與張晉穿上當年結婚的禮服,與楚兒及信兒一齊再到影樓影全家福。

上月夫婦二人自拍短片公布喜訊,一家四口變五口,繼續幸福。

大肚任性犯禁

其實早於4月未公開三度有喜時,Ada與張晉及奶奶已遠赴西班牙為國內真人騷《我最愛的女人們》拍外景,當時已知懷孕的Ada非常勞碌,幸好有老公及奶奶同行照顧,之後她又返國內繼續為真人騷拍攝,上山下海落田插秧又劈柴,被指大肚婆不錫身,而且懷孕至今亦不戒口,多次被目擊食生冷嘢,如軟雪糕及凍飲,此外仲周圍飛,早前又被捕獲與老公去了台北玩,做盡所有大肚禁忌。

這日Ada與張晉一齊著住拖鞋雨中浪漫撐傘,到寓所附近食早餐。

兩公婆撇下兩個女撐枱 腳,現場所見, Ada 不時向 老公撒嬌,又把自己的手 機短訊遞給張晉睇,似有 冤枉氣要吐。當日 Ada 未 有戒口繼續飲凍飲。

Ada現時陀B約6個月,預產期約在10月,身材向來高䠷的她,今次陀B非常瀟灑,雖然已停工安胎,但買樓成癮的Ada仍不忘投資,知情者說:「Ada依家手持嘅物業全部都有價有市,有啲已經賺成倍,佢睇嘅係長線,所以好多都唔會放,只會收租,嚟緊佢都想再買多層,買嚟都係留畀三個仔女,確保佢哋第時生活無憂。Ada都係主攻新界嗰邊嘅豪宅,兩個囡囡依家喺沙田石門讀國際學校,佢都會睇吓附近嘅盤。」喜歡買磚頭保值的Ada11年為迎接大女楚兒出世,由沙田搬去元朗錦綉花園獨立屋,13年細女信兒出世後,為兩女將來讀書著想又連環掃樓,分別在柯士甸凱旋門及灣仔囍匯各買單位,目的是包抄九龍港島區名校校網,隨住兩女日漸長大,活動空間需求大,15年底以二千六百萬買入元朗爾巒獨立屋,而她在內地亦有投資買樓,現今已手揸億半港元物業。

Ada一家四口現居元朗爾巒獨立屋,4年前以$2,600萬買入,現已升值不少。

食飽早餐,張晉先去攞車, Ada 則負責埋單然後在大門口等老公。

夫婦元朗出巡

最近Ada與老公張晉樂得清閒,7月3日踢拖外出歎早餐,之後再駕車送外傭去街市買餸及接囡囡同學返屋企玩。7月4日二人到元朗買電腦,連見兩日Ada都穿同一條連身褲,可見張太絕對樸實無華,走平民風格不好名牌,難怪可以慳出億半物業成為樓后。大肚Ada坐唔定冇時停,陀B6個月四肢依然纖幼全無半點水腫,不過素顏卻清楚見到爆晒瘡,有說陀仔會令媽咪荷爾蒙有變,皮膚會變差,若然為張家成功添個金叵羅,Ada揀定層豪宅由張晉畀錢都好應該吖。

張氏夫婦甚有默契,老公負責揀邊款電腦與打印機,老婆就負責打開荷包畀錢。

Ada 早前全家返回張晉家鄉重慶,兩公婆雖然戴晒口罩,但一樣被認得出,而最近愛上影相及拍片的張晉,更相機 不離身,去到邊影到邊。

陪女玩水

Ada 與張晉父母暢遊當地特色的古鎮,因暑假遊人 較多,張晉全程保鑣上身貼身保護老婆,不時提 點 Ada 小心及照顧兩個女兒。Ada 全程輕鬆與親友 在河邊浸住腳打牌,粗重工夫交由老公及老爺代 勞,兩個囡囡與爺爺在小河坐船仔,玩得好開心。

夜遊食雪糕

Ada一家現身重慶平民夜市,被網民野生捕獲兼影相,仲 發現大肚婆與囡囡一齊食雪糕,被指為食唔戒口。

45歲大肚犯禁

拍真人騷要落田插秧,Ada一樣唔錫身照拍,表現落力。

其中一幕要劈柴,Ada 堅持要做,最後傷手流 血仍面不改容。

買過億磚頭保值

蔡少芬婚後事業愈來愈旺,在內地爆紅,搵落唔少人仔,至今先後在 港買入多項物業,內地又有投資房地產,手持物業市值超過1億5千萬。

延伸閱讀:

5個《反斗奇兵》不為人知的都市傳說 原來胡迪係鬼魂?

《Stranger Things 3》開播前必知3大重點 再次回到Upside Down世界

關注我們Facebook專頁
    相關新聞
      更多瀏覽